Bohat dair se mila

Aisa nahi ke hum ko mohabbat nahi mili

haan jaisi chahtay thay wo qurbat nahi mili

milne ko to zindagi mai kai hamsafar mile

lakin tabiyyaton se tabbiyat nahi mili

chehron k har hujum main hum dhoondhtay rahe

surat nahin mili kahin seerat nahin mili

wo yak-b-yak mila to bohat dair tak hamain.......

ilfaz dhundhnay ki bhi mohlat nahi mili

har shakhs zindagi main bohat dair se mila

k bhi cheez hasb-e-zarurat nahi mili........

Sab Kuch usi Ka Tha

manzillien b us ki thin....
rasta b usi ka tha.........
ek main akala tha kafla b usi ka tha...
saath satth chalne ki souch b usi ki thi....
rasta badlny ka fesla b usi ka tha.......
aj q akela hoon......
dil swal krta ha log to usi k thy......
kia khuda b usi ka tha ???

Mousam

Bhari barsat mein wo pochta hay

Sach batao tum

Tumhain aakhir hay kaisa gham?

Usay mein kya bataon

Kaisay samjhaon

K aakhir kya jawaaz-e-deeda-e-gham hay

Usay mein kaisay samjhaon

Udasi aatay jaatay mousamo'n par munhasir kam hay

Ye bahir ka nahin

Insan k andar ka mousam hay!

Deepak

Din aadmi anguliyon par ginta raha
aur waqt dabe pawn guzarta raha
thokar lagi ya pathron ka mazaak tha
par chot khaakar aadmi sambhalta raha

khud use andheron me rahna pada
jo haath me lekar mashaal chalta raha
tootte tarron se sabne maangi mannat
"Deepak" ko dekha nahi jo jalha raha...

khwaab tooten hain to

khwaab tooten hain to ab khwaab ka charcha na karo

dil ke tukRo ko sar-e-aam yun rusva na karo

dard hi dard ye mehboob diya karten hain

in se ailan e mohabbat ki tamanna na karo

zulmat-e-shab me sehar me na rahe farq koee

apni aankhon me ab itna bhi andhera na karo

aah vo shok jawaani pe vo chanchal si hansee

ghum hi ho jaaye na khamoshi me eysa na karo

yaad guzre huve lamho ki bohot aayegi

tum bhi sookhe huve zakhmon ko kureda na karo

uski har baat ho jeyse ke fasaana koee

tum jo maano to bahaano pe bharosaa na karo

ungliyaan tum pe uthengi to tumhaari apni

dil-e-bezaar ka baazaar me charcha na karo

dekho maasoom nigaahon me sawaal uthte hain

inse tum kuch bhi chupaane ka iraadaa na karo

abke tajdeed-e-wafa ka nahi imkaa`N "Safiya"

khwaab dekha na karo khwaab dikhaya na karo

jab hum chhote they

Na dil me mael aur na chehre pe mukhote they

Kitni maasuum thi zindagi jab hum chhote they

Sun le koi mere dil ki thodi si daastaan

Waqt kisi ke paas itna bhi aaj kahan

Siine se laga lete they daud kar sabhi

Pehle kabhi jab hum jab chhoti si baat pe rote they

Kitni maasuum thi zindagi jab hum chhote they

Ab to pyar dekar bhi mohabbat nahi milti

Waqt to milta hai magar fursat nahi milti

Ek raatein hain ye jo neendo se naata hi toad chuke

Ek din they wo jab hum bade sukuun se sote they

Kitni maasuum thi zindagi jab hum chhote they......

Titliyon ko pakarna uski adat thi

Titliyon ko pakarna uski adat thi
Har ak se milna uski adat thi

Wo jisko tanhai se dar lagta tha
Magar tanhai mein rehna oski adat thi

Wo ek aanso girnay par Khafa hota
jisay tanhai mein ronay ki adat thi

Hameshan mafi mangane ki gharz se
Roz nayi Galtiyan karna uski adat thi

Wo jo Dil-o-jaan Nichawar karta tha muj par
Magar choti si baat pe ruthna uski adat thi

Hum us k sath chal diye ye jantay howe bhi
Rah mein mu mod na us ki adat thi….

Tumhe jab kabi milain furstain

Tumhe jab kabi milain furstain 

mere dil se bhoj utar do,
Main bohat dinon se udas hon 

mujhe koi sham udhar do,
Mujhe apne roop ki dhop do 

ke chamak sakain mere khal-o-khad,
Mujhe apne rang main rang do 

mere sare zang utar do,
Kisi aur ko mere haal se 

na garz ha koi na wasta,
Main bikhr gya hon smait lo, 

main bigad gya hon sanwar do,
Meri wehshton ko badha dya hai 

jodaion k azab ne,
Mere dil pe haath rakho zara 

meri dadhknon ko qrar do,
Tumhe subhu kaisi lagi, kaho, 

meri khawahshon k dyar ki,
Jo bhali lagi to yahi raho, 

ise chahton se nikhar do,
Wahan ghar main kon ha muntzar

k ho fikar dair sawair ki,
Badi mukhtsar si ye raat hai 

isi chandni main guzar do,
Koi baat krni ha chand se 

kisi shakhsar ki oot main,
Mujhe raste main yahin kahin 

kisi kunj gul main utar do....

Ay Moj-e-Hawa too hi bata

Ay Moj-e-Hawa too hi bata

Who yaar hamara kesa hai

Jo bhool chukka hay kab say hamay

Who jaan say pyara kesa hai

Kya us kay jeevan lamhon main

Koi lamha mera baqi hai

Kya us ki jagti aankhon main

Meri yaad abhi bhi baqi hai

Agar aisa nhi to too hi bata

Ham yaad usay Q kartay hain

Ham say bichar kay khush hai agar

To pal pal ham Q martay hain

Apna to raviyyaa

apna to raviyyaa hai yeh guftaar sey pehlay

saabit karo talqeen ko kirdaar sey pehlay

poocho to zara haal bhi beemaar sey pehlay

dil ko na qaraar aaigaa deedaar sey pehlay

insaan ki tehzeeb ki taareekh gavaah hai

fojain bhi kabhi haari hain salaar sey pehlay

kiaa yaad ho iss umr main tarteeb dinon ki

Mangal bhi to aajata hai Itwaar sey pehlay

azbar thay usay pagrhi kay aadaab hain jitnay

sar dainay peh raazi tha joh dastaar sey pehlay

tai ki mairay qadmon nay tasuvver ki musaafat

manzil peh hoon ponhcha huva raftaar sey pehlay

khush ho to faqeeron ka tamaskhur na urhaao

tum bhi to nazar aatai thay baizaar sey pehlay

daanaaii hai is qawl main hikmat bhi bohat hai

tolo to zara baat ko guftaar sey pehlay

tameer main tarteeb bhi aajaa'y to achaa

kia dar bhi bana karta hai deewaar sey pehlay

waaiz yeh kahay jurm hai nazron ki khayaanat

poocho to kabhi guzra hai baazaar sey pehlay

mayoos na ho waqt guzar jaaiga yeh bhi

achchay bhi to din aa'y thay aazaar sey pehlay

aisa to na tha dil kabhi mahroom-e-mohabbat

apni bhi mulaqaat thi doa-chaar sey pehlay

kut jaaingain yeh haat joh banjaaiga madfun

yeh baat to tai karni thi mamaar sey pehlay

qazi tairay insaaf sey yeh mujh ko gilaa hai

pakrhay hai yeh masoom gunahgaar sey pehlay

Fazil to naheen likkhaiga shaahon ki hikaayat

turbut isay manzoor hai darbaar sey pehlay