Hijr ka Tara doob chala hay

Hijr ka Tara doob chala hay Dhalne lagi hay rat wasi.
Qatra qatra baras rahe hai. Ashkon ki barsat wasi.
Tere bad mujko ye dunya wale Pagal kar dein gay.
Khushboo k des me mujko le chal apne sath wasi.
Yun he chup ki mohar laga kr kab tak gum-sum betho gay???
khamoshi se dam ghutta hay Chero koi bat wasi.
Aaj to uska chehra b kuch badla badla sa lagta hay
Mausam badla, Dunya badli. Badal gaye halaat wasi.
Mere ghar ye khushboo ka raqs usi k he dam se hai
Uske sath h chali jaye gi Phuloon ki barat wasi. 
Chor wasi ab unki yadein tujko pagal kar dein gi.
Tu qatra hai,wo darya hai.... Teri kya Oqat wasi.......

Humko loota ha usi shehr ney

Humko  loota ha usi shehr ney jan e wafa

Jis  ki galion men mohabat ka kuch hisab na tha

Woh jo rehtay they mere sath hamesha din bhar

Un k mazhab men wafaon ka koi baab na tha

Wo jo ankhon mein mohabat ko liye phirtay they

Un k dil mein thee woh nafrat ke kuch hisab na tha

Main ne jisko bhi museebat men maseeha jana

Jo dia usne bara us se kuch azaab na tha

Mujhe khyal tha yeh log to mere apne hein WASI

Magar wahan pe to aisa koi rewaj na tha..........

Ab jo bichray hain toh ehsaas hua

Ab jo bichray hain toh ehsaas hua hai hum ko
Dard kya hotah hai tanhai kisay kehtay hain
Char so gunjti ruswai kisay kehtay hain
Ab jo bichray ko ehsaas hua hai hum ko

Koi lamha ho tere yaad mai kho jatay hain
Ab toh khud ko bhe muyassar nahi aaa patay hain
Raat ho din ho tere pyar mai hum behtay hain

Dard kya hotah hai tanhai kisay kehtay hain
Ab jo bichray hain toh ehsaas hua hai hum ko

Woh jo ghum aye usay dil pay saha kertey thay
aik saith hum mil ker raha kertey thay
Ab akelay he zamanay ke sitam sehtay hain

Dard kya hotah hai tanhai kisay kehtay hain
Ab Jo bichray toh ehsaas hua hai hum ko

Hum Nay khud apni rahon mai bichaye kantay
Gher mai phoolon ke jagah la ker sajaye kantay
Zakham iss dil mai basaye howe khud rehtay hain

Yun toh duniya ki har cheez haseen hoti hai
Pyar say maghar kuch bhe nahi hoti hai
Rastah rok kay har aik say yehi kehtay hain

Ab jo bichray hain toh ehsaas hua hai hum ko
Dard kya hotah hai tanhai kisay kehtay hain
Char so gunjti ruswai kisay kehtay hain
Ab jo bichray ko ehsaas hua hai hum ko

Mujhe Yakin hai

Abi to ishq me aisa bhi haal hona hai
K ashk rokna bhi tum se mahaal hona hai


Tumain khaber he  nahi tum to lot jao gey
Tumhary hijer me lamha be saal hona hai


Humari roh pe jab bhi azaab utrain gey
Tumhari yadon ko iss dil ke dhaal hona hai


Milain ge humko be apny naseeb ke khushian
Bus entazar hai k kab ye kamaal hona hai


Her ek shekhs chaly ga hmari rahoon per
Mohabbton me humain wo misaal hona hai


WASI mujh ko yaqeen hai k wo lot aye ga
Ussy be apny be kiye ka malaal hona ha i!

Kis qadar zulm dhaya kertey ho

Kis qadar zulm dhaya kertey ho
Yeh jo tum bhool jaya kerte ho

Kis ka ab haath rakh ke seene per
Dil ki dhadhkan sunaya kerte ho

Hum jahan chaye peene jate thay
Kia wahan ab bhi aaya kerte ho

Kon hai ab ke jis ke chehre per
Apni palkon ka saaya kerte ho

Kiun mere dil mai rakh nahee dete
Kis liye gham uthaya kerte ho

Phone per geet jo sunate thay
Ab wo kis ko sunaya kerte ho

Akhiri khat mai usney likha tha
Tum mujhe yaad aaya kerte ho

mai muhabbat aur tum

Aaj yun mausam ne dee jashn-e-muhabbat ki khabar
Phoot ker rone lage hain mai muhabbat aur tum

Hum ney joon hi ker liya mehsoos manzil hai qareeb
Raastey khone lage hain mai muhabbat aur tum

Chaand ki kirno ne humko is tarah bosa diya
Devta hone lage hain mai muhabbat aur tum

Aaj phir mehroomiyon ki daastane orh ker
Khak mai sone lage hain mai muhabbat aur tum

Kho gaye andaaz bhi awaz bhi alfaz bhi
Khamshi dhone lage hain mai muhabbat aur tum.

Dayar-e-gair mein kaise tujhe sada dete

dayar-e-gair mein kaise tujhe sada dete
tu mil bhi jata to tujhe ganwa dete

tumhin ne ham ko sunaya na apna dukh warna
dua wo karte k ham asman hila dete

hamein ye zom raha ab k wo pukarenge
unhen ye zid thi k har bar ham sada dete

wo tera gam tha k tasir mere lahje ki
k jis ko hal sunate use rula dete

tumhen bhulna hi awwal to dastaras mein nahin
jo ikhtiyar bhi hota to kya bhula dete

tumhari yad ne koi jawab hi na diya
mere khayal k ansu rahe sada dete

samton ko main ta-umr kosta Syed
wo kuch na kahte magar honth to hila dete......

Muhabbat Akhirish hai kia?

Me Shaair Hoon To Akser Loog Mujh Se Pochtey Hein
Is Haseen Israar K Baare
Bataain To Bhala Kia Hai?
Muhabat Aakhrish Hai Kia?
Wasi Me Hans K Kehta Hoon
Kisi Pyase Ko Apne Hissey Ka Paani Pilana Bhe
Muhabat Hai
Bhanwar Me Doobte Ko Saahiloon Tak Le K Jana Bhe
Muhabat Hai
Kisi K Waaste Nanhi Si Qurbani Muhabat Hai
Kaheen Hum Raaz Saare Khool Saktey Hoon Mager Phir Bhe
Kisi Ki Bebasi Ko Dekh Ker Khaamosh Reh Jana
Muhabat Hai
Ho Dil Me Dard, Weraani Mager Phir Bhe
Kisi K Waaste Jabran He Hoonto Per Hansi Laana
Zaberdasti He Muskana
Muhabat Hai
Kaheen Barish Me Seh'me, Bheegte Billi K Bachey Ko
Zara Si Deir Ko Ghar Ley K Aana Bhe
Muhabat Hai
Koi Chirya Jo Kamre Me Bhatakti Aan Nikli Ho
To Us Chirya Ko
Pankhey Band Ker K Raasta Bahir Ka Dikhlana
Muhabat Hai
Kisi K Zakhm Sehlana
Kisi Rotey Huwe Ke Dil Ko Behlana
Muhabat Hai
K Meetha Bool , Meethi Baat, Meethey Lafz, Sab Kia Hain?
Muhabbat Hai
Muhabat Aik He Bas Aik He Insaan Ki Khatir
Magan Rehna
Hama Waqt Us Ki Batoon, Khushbowoon Me Dolna Kab Hai
Muhabat Us Ki Zulf K Bul Kholna Kab Hai
Muhabat K Hazaaron Rang
Laakhon Ista'aarey Hein
Kisi Bhe Rang Me Ho Yeh
Mujhey Apna Banati Hai
Yeh Mere Dil Ko Bhaati Hai.......

Last Call

Kal hamesha ki tarha uss ne kaha ye fone par
mein buhut masroof hoon mujh ko buhut se kaam hain

iss liye tum aao milney mein tou aa sakti nahi
har riwayat toRh kar iss baar mein ney keh diya

tum jo ho masroof mein bhi buhut masroof hoon
tum jo ho mash'hoor tou mein bhi buhut maroof hoo

tum agar ghamgeen hoo mein bhi buhut ranjoor hoo
tum thakan sey choor tou mein bhi thakan sey choor hoon

jan-e-man hai waqt mera bhi buhut hi qeemti
kuch puraney dostoon ney milney ana hai abhi

mein bhi ab farigh nahi mujh ko bhi lakhon kaam hain
warna kehney ko tou sab lamhey tumharey naam hain

meri aankhein bhi buhut bojhal hain sona hai mujhey
rat'jagoN key baad ab neendoN mein khona hai mujhey

mein lahoo apni anaoo ka baha sakta nahi
tum nahi aati tou milney mein bhi aa sakta nahi

uss ko ye keh kar wasi mein ney reciever rakh diya
aur phir apni ana key paaon pey sar rakh diya......