koi ham-nafas nahiin hai koi raazadaan nahin hai
faqat ik dil thaa apanaa so vo meharabaan nahin hai
kisii aur gam men itanii khalish-e-nihaan nahin hai
gam-e-dil meraa rafiiqo gam-e-raayegaan nahin hai
merii ruuh kii haqiiqat mere ansuon se puuchho
meraa majalisii tabassum meraa tarjumaan nahin hai
kisii aankh ko sadaa do kisii zulf ko pukaaro
badii dhuup pad rahi hai koi saayebaan nahin hai
inhin pattharon pe chal kar agar aa sako to aao
mere ghar ke raaste men koi kahakashan nahin hai ....
0 comments:
Post a Comment