koi mausam ho dil meN hai tumhaari yaad ka mausam
ke badla hi nahiN janaaN tumhaare baad ka mausam
nahiN to aazma kar dekh lo, kaise badalta hai
tumhaare muskraane se dil-e-nashaad ka mausam
kahiN se uss haseeB aawaaz ki khushbu pukaare gi
to uss ke saath badle ga dil-e-barbaad ka mausam
qafas ke baam-o-dar meN roshani si aayi jaati hai
chaman meN aa geya shaayed lab-e-aazaad ka mausam
mere shahr-e-parishaaN maiN teri be chaand raatoN meN
buhat hi yaad karta hooN teri buniyaad ka mausam
na koi gham khizaaN ka, na khawahish hai bahaaroN ke
hamaare saath hai amjad kissi ke yaad ka mausam...
0 comments:
Post a Comment