kabhi aah lab pe machal ga_ii kabhi ashk aankh se dhal gaye
vo tumhaare gam ke chiraag hain kabhii bujh gaye kabhi jal gaye
main khayaal-o-khvaab ki mahafilen na baqadr-e-shauq sajaa saka
tumhaari ik nazar ke saath hii mere sab iraade badal gaye
kabhi rang men kabhi ruup men kabhi chaanv men kabhi dhup men
kahin afataab-e-nazar hain vo kahin maahatab men dhal gaye
jo fanaa huye gam-e-ishq men unhen zindagii kaa na gam huaa
jo na apanii aag men jal sake vo paraa_ii aag men jal gaye
ya unhen bhi meri tarah junun to phir un men mujh men ye farq kya
main giraft-e-gam se na bach saka vo huduud-e-gam se nikal gaye .
0 comments:
Post a Comment