Lagtaa nahiiN hai dil meraa

Lagtaa nahiiN hai dil meraa ujDe dayaar meN
kiski banii hai aalam-e-naa paaidaar meN

kah do in hasratoN se kahiiN aur jaa baseN
itnii jagah kahaaN hai dil-e-daaGdaar meN

umr-e-daraaz maang ke laaye the chaar din
do aarzuu meN kaT gaye, do intezaar meN

kitnaa hai badnasiib zafar dafan ke liye
do gaz zamiin bhii na milii kuu-e-yaar meN

Bahadur Shah Zafar