O Re Piya

Shaayad.....

Kyaa huaa husn ham_safar hai yaa nahiin
Ishq manzil hii manzil hai raastaa nahiin

Gam chhupaane se chhup jaaye aisaa nahiin
Bekhabar tuu ne aa_iinaa dekhaa nahiin

Do parinde ude aankh nam ho ga_ii
Aaj samajhaa ke main tujh ko bhuulaa nahin

Ahal-e-manzil abhii se na mujh par hanso
Paaon tuute hain dil meraa tuutaa nahiin

Tark-e-may ko abhii din hii kitane huye
Aur kuchh kahaa may ko zaahid to achchhaa nahiin

Chhod bhii de ab meraa saath ai zindagii
Mujh ko nadaamat hai tujh se shikvaa nahiin

Tuune taubaa to kar lii magar ai 'khumar'
Tujh ko rahamat par shaayad bharosaa nahiin.....

Koi Rehta Hai Mere Dil ma ...

Ek diyaa bujhaa huaa

Khuun se jab jalaa diyaa ek diyaa bujhaa huaa
phir mujhe de diyaa gayaa ek diyaa bujhaa huaa

ek hii daastaan-e-shab ek hii sil_silaa to hai
ek diyaa jalaa huaa ek diyaa bujhaa huaa

mahafil-e-rang-o-nuur kii phir mujhe yaad aa ga_ii
phir mujhe yaad aa gayaa ek diyaa bujhaa huaa

mujh ko nishaat se fuzuuN rasm-e-vafaa aziiz hai
meraa rafiiq-e-shab rahaa ek diyaa bujhaa huaa

dard kii kaa_inaat men mujh se bhii raushanii rahii
vaise merii bisaat kyaa ek diyaa bujhaa huaa

sab merii raushanii-e-jaaN harf-e-suKhan men Dhal ga_ii
aur main jaise rah gayaa ek diyaa bujhaa huaa ..........

koi ham-nafas nahiin hai

koi ham-nafas nahiin hai koi raazadaan nahin hai
faqat ik dil thaa apanaa so vo meharabaan nahin hai

kisii aur gam men itanii khalish-e-nihaan nahin hai
gam-e-dil meraa rafiiqo gam-e-raayegaan nahin hai

merii ruuh kii haqiiqat mere ansuon se puuchho
meraa majalisii tabassum meraa tarjumaan nahin hai

kisii aankh ko sadaa do kisii zulf ko pukaaro
badii dhuup pad rahi hai koi saayebaan nahin hai

inhin pattharon pe chal kar agar aa sako to aao
mere ghar ke raaste men koi kahakashan nahin hai ....

Main Kho chuka hun

manzil bhi khoo chuka hon safar bhi nahin raha
meri kisi bhi duaa main asaar bhi nahin raha . . .

jab se huyee hai dil ko khabar hijar yaar ki
lafzoon ko jornay ka hunaar bhi nahin raha . . .

tu kia chala gaya main takhkhil bhi khoo chuka hoon
kuch pass hi nahin hai tu daar bhi nahin raha . . .

awaargi main lutf kahan ek azaab hai
par kia karoonga loat k ghar bhi nahin raha . . .

ghintii k din hain mout main lakin ye waqt bhi
kab se hi tham gaya hai ghuzar bhi nahin raha . . .

dafnaa do mujhay mout se pehle
ab tu kisi ka lakhte jigar bhi nahin raha . . .

Ghar se tanhaiyan laikar .....

Hubahu too jo mere khwab ka paikar nikla
Mairi mutthi main mera khud hi muqaddar nikla

Uski lahron ne mre dasht ujade kitne
Main jise qatra samajhta tha samandar nikla

Baddua kis ki lagi thi yeh Khuda hi jane
Maine jis phool ko toda wahi patthar nikla

Log baikar bazid the ke tarashen mujhko
Maire andar hi meri Zat ka Aazar nikla

Aik khushboo si utarti hai badan main maire
Kaisa jhonka tha mujhe aaj jo chukar nikla

Taire honton pai hamaisha rahe kanton ke hujoom
Taire lahje main hamaisha koi Nashtar nikla

Rabt rakkha hi nahin usne kabhi dunya se
Dil hamara bhi zamane main qalandar nikla

Isko halqe main liye kyun hain sitare paiham
Kis liye aaj yeh mahtab bhi saj kar nikla

Log peete hain gilason main ujalon ki sharab
Aj ka din bhi shab e tar ka ham sar nikla

Maine naize pai khudhi sar ko chadhaya apne
khud maire hath main maire liye khanjar nikla

Khud ko khone na diya bheed main dunya ki kabhi
Ghar se tanhaiyan laikar hi main bahar nikla......

Kahiin raah men kho gayaa hogaa

kuchh aur gum_raahii-e-dil kaa raaz kyaa hogaa
ik ajanabii thaa kahiin raah men kho gayaa hogaa

isii khayaal se raaten ujad gain apanii
ko_ii hamaarii bhii haalat ko dekhataa hogaa

tumhaare dil mein kahaan merii yaad kaa paratau
vo ek halkaa saa baadal thaa chhat gayaa hogaa

vo jin kii raat tumhaare hii dam se raushan thii
jo tum vahaan se gaye hoge kyaa huaa hogaa…..

Chand Phir Udaas Hai...

ajnabi si raahon mein,
door tak nigahon mein,
teergi ka mausam hai,
berukhi ka mausam hai,
aaj phir nigahon ko
beete kal ki pyaas hai,
aisa lagta hai jaise,
chand phir udaas hai,

rang phike phike hai,
taare roothe roothe hai,
badalon ka shor hai,
khizaan khizaan ye daur hai,
is kadar akele mein
pyar ki talash hai,
aisa lagta hai jaise,
chand phir udaas hai,

ajab hai dil ki wehshatein,
aur aas paas aahatein,
jisko dhundna chaho,
usko dhund kab paao,
phir raha hoon darbadar,
maujazey ki aas hai,
aisa lagta hai jaise,
chand phir udaas hai,

baat to kare koi,
saath to chale koi,
khamoshi ke pehre hai,
zakham dilke gehre hai,
aaj wo mile mujhko dard jisko raas hai,
aisa lagta hai jaise,
chand phir udaas hai.........

Garq hone ke liye bhi jo sahara chaahe

lab-e-Khaamosh se izhaar-e-tamannaa chaahe
baat karane ko bhii tasviir kaa lahajaa chaahe

tu chale saath to aahaT bhii na aaye apanii
daramiyaan ham bhii na ho yuun tujhe tanhaa chaahe

zaahiirii ankhon se kyaa dekh sakegaa koii
apane baaton pe bhii ham faash honaa chaahe

jism-poshii ko mile chaadar-e-aflaak hamen
sar chhupaane ke liye vusa'at -e-seharaa chaahe

Khvaab men roye to ehasaas ho sairaabii kaa
ret par soyen magar aankh men dariyaa chaahe

bhent chad jaauuN na main apane hii Khair-o-shar kii
Khuun-e-dil zabt kare zaKhm tamaashaa chaahe

zindagii ankhon se ojhal ho magar Khatm na ho
ek jahaaN aur pas-e-pardaa-e-duniyaa chaahe

aaj kaa din to chalo kaT hii gayaa jaise bhii kaTaa
ab Khudaa-band se Khairiyat-e-fardaa chaahe

aise tairaak bhii dekhe hain 'Muzaffar' hamane
Garq hone ke liye bhii jo saharaa chaahe .....

Kya Talash kartay ho

Haath ki Lakeeron me
kya Tilash kartay ho..

En Fazool Baton me...
Kis ley Ulajtay ho...

 
Jis ko milna hota hai..
Bin Lakeer dekhay hee...
Zindagi ke Raston per...
Sath Sath chalta hai..
Phir kahan Bicherta hai...

Jo nhi moqadar me...
Kab Hamen wo milta hai...
Kab wo sath chalta hai...
Hath ki Lakeeron me...
Kya Tilash kartay ho....!!!

Aansuon ke misl ......

Aansuon ke misl apne lafz bah sakte nahin
woh hamaisha khush rahe kuch aor kah sakte nahi

apni qurbat ki hamain bhi dhoop kar dijey ata
Dard ki deewar ke saye main rah sakte nahin

muzmahil apni tabiyat shoq se rakkhen ge hum
bat choti hi sahi par un se kah sakte nahin

Bas itna kehna hai....

kabhi mein yaad aaon  to
kabhi tanhai ki raatein
tumhaien zada sataein to
kabhi titli na bolay to
kabhi jognoo lout jaein to
kabhi jab dil bhi bhar jay to
koi jab sun na pay to
agar sab dost saathi bhi
jo tum se rooth jaein to
kabhi jab khud se lar lar ker
thakan se choor ho jao to
kabhi chatay bhi huy akelay
roo na pao to
apni ankhoo ko band kerna
mujhe awaz dena
aur...!!!
phir meray taswar se
jo chaho keh dena
meray kandhay pe sar rakh ker
tum jitna chaho roo lena
phir jab khud mei lout jao to
isi duniya mein chaly jana
magar bas itna kehna hai
kay jab bhi dukh ya khushiyo mei
humain dil se pokaro gay
hamein saath pao gay
hamein pass pao gay.........

Main khamoshi se uske sath chal deta hun

Muhabbat Mein Ghamon Ki Iss Qadar Yalgaar Kiun?....wo Boli
Main Bola, Tum Kisi Din Yeh To Apney Aap Se Poocho

Vo Kehti Hay, Suno Jaana Tumhara Khuwab Kiun Toota?
Main Kehta Hoon, Jani Dil Mein Koi Kheench Parrti Hay

Tumhari Shayirii Mein Zindagi Ki Siskiyaan Kiun Hain?
Main Bola, Aansoun Ki Ibtedaii Shakl Jo Thehrii

Vo Kehti Hay, k Jaana Main Kuch Muztarib Si Hoon
Main Kehta Hoon, Jani Tum To Meri Rooh Jaisi Ho

Vo Kehti Hay, Tumhey Kiun Khauf Aata Hay Hawaon Se?
Main Kehta Hoon, Jani Deep To Aisy Hi Hotay Hain

Vo Kehti Hay, Chalo Jaana Hawa k Sath Chaltey Hain
Main, Khamoshi Se Uss k Sath Chal Deta Hon Bujhney Ko

Vo Mujh Se Poochti Hay, Tum Kahan Gayeb Ho Sadion Se?
Main Kehta Hoon, Hazaron Waswason k Darmian Gum Hoon

Vo Mujh Se Poochti Hay, Raat Ki BeChainian Kya Hain?
Main Kehta Hoon, Vohi Jo Doorion k Dil Mein Hoti Hain

Vo Mujh Se Poochti Hay, Khauf Ka Dorania Kya Hay?
Main Kehta Hoon, 

Jo Dil Aur Gham Ka Hota Hay Museebat Mein

Vo Mujh Se Poochti Hay, Baadlon Ki Umer Kitni Hay?
Main Kehta Hoon, 

Tamazat k Mutabiq Panion k Waqt Jitni Hay...!!!

Wo Kehti Hay...

Wo Kehti Hay......
Batao Besabab Kion Rooth Jatay Ho?
Main Kehta Hoon...
Zara Mujh Ko Manaao...... .Acha Lagtaa Hay
Wo Kehti Hay
Mera Dil Tum Se Aakhir Kion Nahi Bhartaa?
Main Kehta Hoon....
Mohabat Ki Koi Hadd Hi Nahii Hotii....!
Wo Kehti Hay....
Batao...Main Tumhain Kion Bhaa Gayi Itna?
Main Kehta Hoon...
Merii jaan Hadsay To Ho Hii Jatay Hain!
Wo Kehti Hay...
Achanak Main Tumhain Yoon Hii Rulaa Doon Tu?
Main Kehta Hoon...
Mujhay Darr Hay K Tu Bhii Bheeg jaaye Gi...!
Wo Kehti Hay...
Batao..Baarishon Ki kiya Haqeeqat Hay?
Main Kehta Hoon...
K Yeh To Baadalon Ki Aankh Rotii Hay...!
Wo Kehti Hay...
Tumhaaray Khwaab Saaray Kion Adhooray Hain?
Main Kehta Hoon...
Merii Jaan Tum Inhain Takmeel De Do Na...!

Teri yadon se kya nahi seekha?

Be sabab tow na thein teri yadein
Teri yadon se kya nahi seekha
Zabt ka hosla berha lena
Aansoun ko kahin chupa lena
Kanpti dolti sadaon ko
Chup ki chader se dhanp ker rakhna
Be sabeb bhi kabhi kabhi husna
Mozo-e-guftugu badal dena
Besabab tow nahi teri yadein
Teri yadon se kya nahi seekha.....

Aaj bahot roya k aram aya....

Pichly pehar ki baat thi

Pichly pehar ki baat thi
tanhay thi or uski yad thi

chaand ne kaha kon hai?
mai ne kaha koi saath nahi

bola zindagy kaisy hai?
mai ne kaha kuch khas nahi

bola tum ne pyar kiya hai?
me ne kaha kuch yaad nahi

bola tumhare saath bhi dhoka howa?
mai ne kaha aisy baat nahi

bola phir ek baat kahon?
mai ne kaha koy aitraz nahi

bola tum ne bhi kisi sy pyar kiya hai
per wo ab tere saath nahi..............

Aawaz me pad gayie dararen

Haazar rahen mud ke dekhien, Kahien se koi sada na ayie
Badi wafa se nibhayie tum ne, Humari thodisi Bewafaie


Jahan se tum mod mud gaye the, ye mod ab bhi yahie pade hain
Hum apne pairon me jane kitne, Bhanwar lapete huwe khade hain


Kahien kisi roz yun bhi hoga, humari halat tumhari hogi
Jo rat humne guzari mar k, wo rat tumne guzari hoti


Tumhe ye zid hai k hum bulate, hume ummis k wo pukaren
Hai naam honton pe ab bhi lekin, Aawaz me pad gayie dararen

Chali aati hain dabe paaon teri yaadein

Chali aati hain dabe paaon teri yaadein shaam dhale
ke hoti hai chirageen dil ki mehfil shaam dhale

Huye tum kin raahon ke musaafir,itna to bata dete
ke laut aate hain panchi bhi ghar ko shaam dhale

Tere intezaar mein yoon har roz jhilmilati hain aankhen
ke jaise mazaar pe jalta hai koi diya shaam dhale

Laut aaye na kahin takra ke arsh se duaa meri
dil se aati hai aksar ye sadaa shaam dhale

Teri doori ka gham sataata rehta hai mujh ko
tujh bin udaas si hoti hai fazaa shaam dhale

Teri yaadon se bandhi rehti hai dil ki dharkan
har dharkan se tere naam ki aati hai sadaa shaam dhale

Din ka koi pal bhi teri yaad se ghaafil nahi hota
teri kami ka magar hota hai ehsaas shaam dhale

Do Lafjo me ye bayan na ho paye

Shola-e-Ishq

shola-e-ishq bujhana bhi nahi chahta hai
Wo magar Khud ko jalana bhi nahi chaahtaa hai

us ko manzoor nahi hai meri gumraahi bhi,
aur mujhe raah pe laana bhi nahi chahta hai

sair bhi jism ke sehraa ki Khush aati hai magar,
der tak Khaak uRaanaa bhi nahiN chaahtaa hai

kaise us shaKhs se tabir pe israar kareN
jo koi Khwaab dikhaana bhi nahiN chaahtaa hai

Tum se judai ke ansoo

tum se judai ke ansoo ankhon me rehte hain
kisi ke samne kahan ye to dil mein behte hain

zindagi ka saleeqa kahan hey humain ab dugmagate hain qadam
tum ho zindgi meri hum to bar bar yehi kehte hain

hey husrat-e-dil key koi bhi pal na teri yaad se gafil
hum soye kahan hain bus jagte rehte hain

itna chale hain ke chal chal key thak gaye hain
sitare to buhat hain per hum tumhain Chaand kehte hain

tum se judai ke ansoo ankhon me rehte hain
kisi ke samne kahan ye to dil mein behte hain...

Makeen ho ke bhi ........

Jo taiz ro the thi pairon main jin ke jan buhat
Woh log odh ke soye hain ab thakan buhat

na jane shor utha kar kahan se lai hai
Hawa ne aaj dukhaye hain maire kan buhat

yeh zindagi bhi ajab rah ki musafir hai
kahin chadhan buhat hai kahin dhalan buhat

Zamin uthe gi nahin aasman jhukega nahin
Ana parast hain donon ke khandan buhat

Kisi ka dard sunu ga to toot jaunga
Maire liye hai faqat mairi dastan buhat

Gharon main qaid kahin ikhtilaf hote hain
Makeen ho ke bhi rahte hain bemakan buhat ..


Syed baseerul hasan wafa naqvi

Sau Baras gujre Raat Hue ...

Sab ashiko ki ruhey kahi dur sula do

katl kar do aasma ya chaand mita do
taro ko fana kar ya ye raat jala do

jalate hue dilo ko kuchh to miley karar
is duniya ki jalti hui har shamma bujha do

jisko bhi ho shikawa koi jiney k naam sey
har shaksh ko do lamha magar maut ata do

terey ishk ibadat ki na itni saza do
mit jaaney sey pehley bas ye ishk mita do

aati nahi kayamat jab tak merey maliq
sab ashiko ki ruhey kahi dur sula do

ya duniya nayi koi basa o merey ALLAHHH
kar cheezy ata fir wahi bas dil na ata do.....

Wo anna parast sahi

Wo anna parast sahi us ki baton mein iqrar bhi tha.
Us k chubtay hue lehjay mein chupa pyar bhi tha.

Wo mujhy likhta ha k muntazir na raho lakin.
Us ki tahreer mein sadion ka intzaar bhi tha.

Wo kehta ha mat rutho k mananaa nahi aata.
Meri narazgi pe lakin wo bekarar bhi tha.

Main shayad phir na likhta usy apni khabar.
Dosti ka bharam rakhna tha kuch dil be_ikhtiar bhi tha.

Shayad yehi us ka anadaz-e-mohabat ho.
Wo mera hum dam bhi tha sitam shuaar bhi tha......

Ye Maumla Khuda Ka Hay.....

Mere Qurb Se Mere Wajood Tak
Use Ikhtalaf To Sada Ka Hay

Mere Ghum Se Mere Junoon Tak
Ye Faasla Bus Anaa Ka Hay

Meri Zindagi Se Meri Saans Tak
Wo Faasla Bus Duwa Ka Hay

Meri Baat Se Tere Zikar Tak
Koi Silsala Jo Hawa Ka Hay

Meri Haqeeqat Se Mere Khuwaab Tak
Wo Be-Khabar Intaha Ka Hay

Mere Veham Se Mere Gumaan Tak
Ye Marhala Wafa Ka Hay

Meri Talab Se Mere Naseeb Tak
Ye Maumla Khuda Ka Hay.........

Deep Jala Rakha Hai

dil ki cho’khaat pe jo ak deep jala rakha hai
tere loot anay ka emkaan saja rakha hai
sans taak bhi nahi lete tujhe sochte hoyee
hum ne is kaam ko bhi kaal pe utha rakha hai

rooth jate ho to kuch or haseen lagte ho
hum ne ye soch k hee tum ko khafa rakha hai
tum jesi rootha howa choor gayee thay ak din
hum ne us shaam ko seenay say laga rakha hai
 

chein lene nahi daite ye kisi toor mujhe 

teri yadoon ne jo tufaan utha rakha hai

janay walay ne kaha tha k wo loote ga zaror
ak isee aass pee darwaza khula rakha hai

tere janay say jo k dhol uthee thi ghaam ki
hum ne us dhool ko ankhon main basa rakha hai
mujh ko kal shaam say wo yaad bohut ane lagay
dil ne mud’dat say jo ak shaks bhula rakha hai

akhri bar jo ayaa tha mere naam
main ne us khaat ko kaalejay say laga rakha hai...

Gamon ka bojh main dhota raha

Gamon ka bojh main dhota raha,
raat bhar bas yunhi rota raha.
zindagi ke is safar me,
maut ki god me main sota raha.

na kabhi aayi khushi ki bahar,
na mila mujhe mera wo pyar.
apne daaman ko sukha-sukha ke,
aansuon se use bhigota raha.

dard bhi ab mera deewana hai,
apna to bas gamn ka khajana hai.
main to hoon bas wo “ghayal”,
jo khud ko kaante chubhota raha.

tujhse jo hui meri judaai,
jakhmon se kar li maine sagai.
jab aaye tu yaad,khud ko main,
lahoo ke sharab me dubota raha.

teri yaad se khud ko sajaya hai,
jakhm bana unhe khud ko jalaya hai.
apne ishq ko namak bana,
un jakhmon pe main sada bota raha.

badhta raha main safar dar safar,
barpa mujhe par bas sirf kahar.
lakh marham lagaye maine,
par dard beshumaar yunhi hota raha.

mujhe dekh,aaj khuda ne ask baha diye,
kaha,aur kya dun,sare gum tujhe saha diye.
jitni kosish ki tujhe bhulane ki,
utna hi tujhme main khota raha.

jeevan me chaya sab ka andhera raha,
na main tera raha,na tu mera raha.
raat bhar,ek-duje ko yaad kar,
tu bhi rota raha,main bhi rota raha.

zindagi ke is safar me,
maut ki god me main sota raha.

Kabhi kabhi mere dil men .....

Kabhii kabhii mere dil men Khayaal aataa hai

Ke zindagii terii zulfon kii narm chaaon men
Guzarane paatii to shaadaab ho bhii sakatii thii

Ye tiirgii jo merii ziist kaa muqaddar hai
Terii nazar kii shuaaon men kho bhii sakatii thii

Ajab na thaa ke main begaanaa-e-alam ho kar
Tere jamaal kii raanaaiiyon men kho rahataa

Teraa gudaaz badan terii niim-baar aankhen
Inhiin hasiin fasaanon men maaho rahataa

Pukaaratiin mujhe jab talkhiyaan zamaane kii
Tere labon se halaawat ke ghuunt pii letaa

Hayaat chiikhatii phiratii barahanaa-sar, aur main
Ghanerii zulfon ke saaye men chhup ke jii letaa

Magar ye ho na sakaa aur ab ye aalam hai
Ke tuu nahiin, teraa Gam, terii justajuu bhii nahiin

Guzar rahii hai kuchh is tarah zindahii jaise
Ise kisii ke sahaare kii aarazuu bhii nahiin

Zamaane bhar ke dukhon ko lagaa chukaa huun gale
Guzar rahaa huun kuchh anjaanii guzar_gaahon se

Muhiib saaye merii simt badate aate hain
Hayaat-o-maut ke pur_haul Khaarazaarn se

Na koii jaadaa na manzil na roshanii kaa suraag
Bhatak rahii hai Khaalaaon men zindagii merii

Inhiin Khalaaon men rah jaauungaa kabhii khokar
Main jaanataa huun merii ham-nafas magar yuun hii

Kabhii kabhii mere dil men Khayaal aataa hai…….

Tera Humsafar Kahan Hai

jo idhar se jaa raha hai vahi mujh pe meharbaan hai
kabhi aag paasbaan hai, kabhi dhoop paasbaan hai

badi aarjoo thi mujhse koi khaak roke kehti
utar aa meri zameen per tu hi mera aasmaan hai

main isi gumaan mein barson, bada mutmaeen raha hoon
tera jism beitgeer, mera pyar jawidan hai

kabhi soorkh momi shamayein wahan fir se jal sakengi
voh lakhvari einton ka jo bada sa ik makaan hai

koi aag jaise kohre mein dabi-dabi si chamke
teri jhilmilati aakhon mein ajeeb sa samaa hai

unhi raaston ne jin per kabhi tum the saath mere
mujhe rok-rok puchha tera humsafar kahan hai.....


Bashir badr

Bichra to dard ............

Bichra to dard rooh ki gahraiyun main tha
Ho k juda bhi tu meri tanhaiyun main tha

Deewangee ko meri ishq mantay hain sab,
Ruswa tu bhi saath meri ruswaiyun main tha..

Ankhon say ansu'on k sath arman nikal gaye,
Yeh kaisa dard aaj in shehnaiyun main tha..

Tujh ko Pa k dil ko kabhi chain na mill saka,
Kitna sakoon haye un judaiyun main tha..

Fursat milay to dekh kabhi meri simt bhi,
Aasra tha tujh pay, teri khudaiyun pay tha..

Ban kay deewana aaj jo phirta hai darbadar,
Hai yaad kya tujhe tere shaidaiyun main tha..

Raton say main daron k neendon main a na jaye,
Subah bhi meri dhoop ki parchaiyun main tha..

Tu jis ka naam dill main basaye hai,
Badnaam wo gali gali harjaiyun main tha..

Wo mujhay chahta bhi bohat tha

Pass wo itna tha jaisay dil aur dharkan
Dekhta tu hum dono mein fasla bhi bohat tha
Milnay ki tarhan hum mil na paye thay kabhi
Mera aur uska rabta bhi bohat tha
Itnay arsay mein bhi usay mujh par aitbar na aya
Ye sach hai wo mujhay janta bhi bohat tha
Wo mil kar bhi na mil saka ye muqadar ki baat hai
Meinay duaaon mein usay manga bhi bohat tha
Ruswaai k dar say wo rakh na saka muhabbat ka bharam
Laikin yeh sach hai k wo mujhay chahta bhi bohat tha....

Dua Ki soorat Mein

Dua Ki soorat Mein Uss Ki Khaatir
Jo meray honton se lafz nikaly
Jo mari Aankhon se ashk niklay
Unhi k badley Mein ae KHUDAYA
Jab bhi us ka naseeb likhna
UROOJ likhna
KAMAL likhna
Kabhi na harf-e-ZAWAL likhna
Khusian likhna
or us ki umr-e-draaz likhna…

Tu Abhi Rahguzar Mein Hai

Tu abhi rahguzar mein hai qaid-e-makam se guzar
misr-o-hijaz se guzar, paires-o-sham se guzar

jis ka amal hai be-garaz, us ki jaza kuch aur hai
hur-o-khayam se guzar, bada-o-jam se guzar

garche hai dilkusha bahot husn-e-firang ki bahar
tayarek buland bal dana-o-dam se guzar

koh shigaf teri zarab tujhse kushad sharq-o-garab
teze-hilahal ki tarah aish-o-nayam se guzar

tera imam be-huzur, teri namaz be-surur
aisi namaz se guzar, aise imam se guzar

Khayal rakhna

Adhuri baaten hi zindagi hain
Wo guzri baaten hi zindagi hain
Agarcha dil ki udaas ujri hui raaton ma
Bikhar gai hain
 

Kai zamanon se saari baaten
Wo guzri baaten
Sulagti shaamon ke jalte bujhte alaao ma
Pighal gai hain
Aduri baaten…….
Zaroori baaten

Yeh khushk hoti hui raggon ki siyah qabron mai neem-murda
Dasi hui khuwahishon ke hamrah
Goundhi hui hain
Yeh aankh ki putliyon mai thak ke
Khatakti palkon pe so gai hain

Tamaam baaten durust janaa
Tamaam khadshe baja hain lekin
Har aik imkaan zindagi ma
Ragon mai aur rooh ki zindagi ma
Inhi ki yaaden bhatak rahi hain

Inhi ke dum se zaeef jazbon, thitharte lafzon
Bujhi tamannaon mai ramaq hai
Adhuri baaten hi zindagi hain
Wo guzri baaten hi zindagi hain
Khayal rakhna………..!

Adhuri baaten bhula na dena
Wo guzri baaten bhula na dena
Khayal rakhna………..!!

Wo Ajnabi Muhabbat

Gaye dinon ka suragh le ker kidher se aya,kidher gaya wo
Ajeeb manoos ajnabi tha,mujhe to hairaan ker gaya wo

Bas aik moti si chab dikha ker,bas aik meethi si dhun suna ker
Sitara-e-sham ban k aya,ba rang-e-khawab-e-sahar gaya wo

Khushi ki rutt ho k ghum ka mosam,
nazer ussay hi dhoondhti hai her dam
Wo boo-e-gul tha k naghma-e-jaan..meray to dil mai uter gaya wo

Na ab wo yaadon ka cherhata derya,na fursaton ki udas berkha
Younhi zara si kasak hai dil mai,jo zakhm gehra tha bhar gaya wo

Kuch ab sambhalnay lagi hai jaan bhi,badal chala dor-e-aasman bhi
Jo raat bhari thi tal gai hai,jo din kara tha guzer gaya wo

Shikasta pa raah mai kahara hoon, gaye dinon ko bula raha hoon
Jo qafla mera humsafar tha,misaal-e-gerd-e-safar gaya wo

Bas aik manzil hai bul-hawas ki hazar rastay hain ahl-e-dil k
Yahi to ferq tha mujh mai us mai,guzer gaya mai, thehar gaya wo

Mera to khawan ho gaya hai paani,sitam garon ki palak na bheegi
Jo naala utha tha raat dil se najanay kyun be aser gaya wo

Wo hijr ki raat ka sitara,wo hum nafas wo hum sukhan huamara
Sada rahey us ka naam piyara,suna hai kal raat mer gaya wo

Wo jis k shanay per haath rakh ker safar kiya tu ne manzilon ka
Teri gali se najanay kyun aaj,ser jhukaye guzer gaya wo

Wo raat ka be nawa musafir,wo tera shair wo tera Nasir
Teri gali tak to hum ne dekha, phir najanay kidher gaya wo....

Bohat Majboor Ho Ker Aaj

Mairey Israar Per Aakhir

Bohat Majboor Ho Ker Aaj..

Mujhey Apni Nigaahon Ki

Udaasi Sonp Di Uss Ne..

Bohat Be-Bas Bohat Tanha..

Bohat Bikhri Mohabbat Ki

Haqeeqat Khol Di Uss Ne..

Khalish Jo Uss Ke Dil Mein Thi..

Woh jo Meri Amanat Hai

Shikasta Lehjey Ki Jitni Thakan Thi

Bol Di Uss Ne..

Mairi Kahtir Mujhey Apni Mohabbat

Keh Nahin Paya

Magar Aaj Apney Aansoo Say Mohabbat

Tol Di Uss Ne..............

Barishein nahi ruktin

Barishon ke mausam ma 
tum ko yaad karne ki
aadtien purani hain

ab ki bar socha ha
aadtein badal daalein

phir khaayal aaya ke
aadtein badlny se
Barishein nahi ruktin........

Vo lafz Hun jo kabhi dastan nahin hota

lahuu na ho to kalaam tarajumaaN nahin hotaa
hamaare daur men aaNsuu zubaaN nahiin hotaa

jahaaN rahegaa vahiin raushanii lutaayegaa
kisii charaaG kaa apanaa makaaN nahiin hotaa

ye kis maqaam pe laa_ii hai merii tanahaa_ii
ke mujh se aaj ko_ii bad_gumaaN nahiin hotaa

main us ko bhuul gayaa huuN ye kaun maanegaa
kisii charaaG ke bas men dhuaaN nahiin hotaa

'Wasim' sadiyon kii aaNkhon se dekhiye mujh ko
vo lafz huuN jo kabhii daastaaN nahiin hotaa .......

ik talkh haqeeqat bhi bata dety hein

un ko ik talkh haqeeqat bhi bata dety hein

jis ko aksar  log chupa dety hein

tum ne girty howay patton ko to dekha hoga

apni har “sans” wo “tehni” pe ganwa dete hein

kya khoob sajaty hein baharon mein shajar ko

kari dhoop mein”apna aap jala dety hein”

kitney be-reham shajar hein,naey patton ki khushi mein

peely patton ko khizaon mein gira dety hein

aur jo girty hein qadmon mein shajar k

log unhi patton ko pairon mein daba dety hain..

Har ek baat pe kehte ho tum ...

Har ek baat pe kehte ho tum ke 'too kya hai' ?
tumheeN kaho ke yeh andaaz-e-guftgoo kya hai ?

na shole meiN yeh karishma na barq meiN yeh ada
koee batao ki woh shoKH-e-tund_KHoo kya hai ?

yeh rashk hai ki wo hota hai ham_suKHan tumse
wagarna KHauf-e-bad_aamozi-e-adoo kya hai ?

chipak raha hai badan par lahoo se pairaahan
hamaaree jeb ko ab haajat-e-rafoo kya hai ?

jalaa hai jism jahaaN dil bhee jal gaya hoga
kuredate ho jo ab raakh, justjoo kya hai ?

ragoN meiN dauDte firne ke ham naheeN qaayal
jab aaNkh hee se na Tapka to fir lahoo kya hai ?

woh cheez jiske liye hamko ho bahisht azeez
siwaay baada-e-gul_faam-e-mushkaboo kya hai ?

piyooN sharaab agar KHum bhee dekh looN do chaar
yeh sheesha-o-qadah-o-kooza-o-suboo kya hai ?

rahee na taaqat-e-guftaar, aur agar ho bhee
to kis ummeed pe kahiye ke aarzoo kya hai ?

bana hai shaah ka musaahib, fire hai itaraata
wagarna shehar meiN 'GHalib' kee aabroo kya hai ?

Yaadon ki Parchhai

Kuch lamhe hai baki
Kahin dur se bichar jane ki paigam aya hai 

Ab nahi hai shikayat kisi se
Hum to baas halat ke sataye hue hai

Khun se likha tha kabhi
Pyar bhari dastan kisi ki

Sajaya tha ghar baar angan
Bichaya tha pooloke chadar se uske sawgat ma 

Paar wakt gujarta gaya ..halat badal gaye
Who bhi badal gaye

Sirf khade the hum wakt ke rahon par
Shine ma jakhmo ko jhaker liye..

Aab to sab kuch hai taiyar
Tayar tum bhi tayar hum bhi

Zindegi ki train bhi taiyar whistle baja n eke liye
Sirf kuch lamhe hai baki

Aghar de sakti ho to de do mujhe Chand pal udhar
Tumhare wakt ki tijori se

Ghum aaun phir ek baar
Gujre hue atit ki yaado ke kinare

Naap lun milne se bichar ne taak ka safar
Sama loon…gujra hua eke k pal

Bichde hue hare k lamha
Samet loon sare bikhre hue yaado ki mootiyan

Sunhere lamho ki lakiron se
Bhaar loon sare mithe mithe dard

Pyaar bhari sari ehsase
Phir to na hogi koi shikayat …na hogi koi khwaish

Hogi to khali dua hi hoga
Tere har kamiyabi ki chahato ma

Aab to bas do raho ke do musafir hai hum
Jana tujhe bhi hai jana mujhe bhi hai

Fark bas itna hoga 

Tu jayegi khush nasib ke saugat lekar
Sapno ke dunia ma dher sare arman lekar 

Jahah tere liye maan hogi shoharat hogi
Naye log …naye sapne honge

Aur main chalta rahunga anjana sa
Badnasibi ki raaho par ek ek kadam 

Manzalion ko talashte hue
Tanhaiyo ke zeher pe kar…… 

Kuchh Ishq tha kuchh Majaburi thi

kuchh ishq thaa kuchh majabuurii thii so mai.n ne jiivan vaar diyaa
main kaisaa zindaa aadamii thaa ik shaKhs ne mujh ko maar diyaa

ye sajaa sajaayaa ghar saaqii merii zaat nahiin meraa haal nahiin
ai kaash kabhii tum jaan sako jo us sukh ne aazaar diyaa

main Khulii hu_ii ik sachchaa_ii mujhe jaanane vaale jaanate hain
main ne kin logon se nafrat kii aur kin logon se pyaar kiyaa

vo ishq bahut mushkil thaa magar aasaan na thaa yuuN jiinaa bhii
us ishq ne zindaa rahane kaa mujhe zarf diyaa pindaar diyaa

ik sabz shaaKh gulaab ka thaa ik duniyaa apane pyaar ka thaa
vo ek bahaar jo aa_ii nahiin us ke liye sab kuchh haar diyaa

main rotaa huuN aur aasmaan se taare TuuTate dekhataa huuN
un logon par jin logon ne mere logon ko aazaar diyaa

vo yaar hon yaa mahabuub mere yaa kabhii kabhii milane vaale
ik lazzat sab ke milane men vo zaKhm diyaa yaa pyaar diyaa....

Kisi kii Aankh jo Purnam Nahiin hai

kisi kii aankh jo purnam nahiin hai
na samajho ye ke us ko Gam nahiin hai

savaad-e-dard men tanhaa khaDaa huuN
palaT jaa_uuN magar mausam nahiin hai

samajh men kuchh nahiin aataa kisii ke
agarche guftaguu mubaham nahiin hai

sulagataa kyuuN nahiin taariik jangal
talab kii lau agar maddham nahiin hai

ye bastii hai sitam paravar digaan kii
yahaaN ko_ii kisii se kam nahiin hai

kinaaraa duusaraa dariyaa kaa jaise
vo saathii hai magar maharam nahiin hai

dilon kii raushanii bujhane na denaa
vajuud-e-tiiragii mahakam nahiin hai

main tum ko chaah kar pachhataa rahaa huuN
ko_ii is zakhm kaa maraham nahiin hai

jo ko_ii sun sake 'Amjad' to sunaa denaa
ba-juz ek baaz gasht-e-Gam nahiin hai...

Jo Meri Aankhon Se Khuwab Dekho

Jo meri aankhon se khuwab dekho 

To ek shab bhi na so sako ge
Ke laakh chaho na hans sako ge
Hazar chaho na ro sako ge 

Ke khuwab kiya hain azaab hain yeh
Mere dukhon ki kitaab hain yeh
Rifaaqaten in mai chot’ti hain
Mohabbaten in mai roothti hain
Panapti hain in mai wehshaten si
Azeeayaten in mai phoot’ti hain
Inhi ke dar se khizaan hain jazbe
Inhi se shaakhen si toot’ti hain
Ghamon ki bandish hain khuwab mere
Dukhon ki barish hain khuwab mere
Ubal raha hai dukhon ka laawa
Raheen-e-aatish hain khuwab mere
Khayal saare jhulas gaye hain
Sulagti khuwahish hain khuwab mere
Ukharti saansen hain zindagi ki
Lahoo ki saazish hain khuwab mere
Jo meri aankhon se khuwab dekho
To ek shab bhi na so sako ge

(Wasi shah)

Tumhe Janaa Ijazat Hai

Tumhe Janaa Ijazat Hai Ke 

In Taareek Raahon Par
Thakan Si Khud Mai Pao To 

Andheron Se Kabhi Dil Dol Jaye 

Thak Si Jao To
Mere Jalte Hue Lamhon
Mere Kangaal Hathon Se Chura Ke Apne Hathon Ko
Fiza Ki Naghmagi Se Tum Naye Geeton Ko Chun Lena
Haseen Palkon Ki Nokon Par Naye Kuch Khuwab Bun Lena
Koi Gar Pooch Le Mera To Us Se Zikr Mat Karna
Mere Jeewan Ki Tapti Dopehr Se Be-Gharz Ho Kar
Tum Apni Chandni Raaton Mai Jugnoo Paalti Rehna
Meri Tanhaaiyon Ki Wehshaton Ki Fikr Mat Karna
Tumhen Is Ki Ijazat Hai Mere Sab Khat Jala Dena
Mere Tohfon Ko Dariya Mai Bahana Ya Daba Dena
Meri Har Yaad Ko Dil Se Khurachna Aur Mita Dena
Tumhen Bilkul Ijazat Hai Ke Jab Chaho Bhula Dena
Magar Itni Guzarish Hai  

Agar Aesa Na Ho Janaa To acha hai……..!

Us nay kaha

main nay kaha k mere liye kuch dua karo
us ne kaha dua pe na takya kia karo

main nay kaha k zahan pe rahta hai bojh sa
us ne kaha k chhup k kahin ro liya karo

main nay kaha k kamodahan bemaza se hain
us nay kaha k hafiz-o-ghalib parha karo

main nay kaha k dost nibhayengay mera sath?
us nay kaha k waqt pe ye tajraba karo

main nay kaha k asl ki mujh ko talash hai
us nay kaha k apna ta’aqub kia karo

main nay kaha k shahar main tash’heer hogayee
us nay kaha k apni hadon main raha karo

main nay kaha bahisht haqiqat hai ya majaaz??
us nay kaha k ghaur na itna kia karo

main nay kaha k mashwara dar bab-e-maykashi
us nay kaha k zaat-e-kashida pya karo

main nay kaha k khidmat-e-ahbab ka sila?
us nay kaha , ta’at-e-taba rasa karo

main nay kaha ‘ husool-e-nakukarye jahan?
us nay kaha k sohbat-e-bad se bucha karo!!!

kashmakash

Main khayal hoon kisi aur ka…mujhe sochta koi aur hai..
Sar-e-aaina mera aks hai…pas-e-aaina koi aur hai…

Main kisi ke dast-e-talab main hoon toh kisi ke harf-e-dua main hoon
Main naseeb hoon kisi aur ka…mujhe maangta koi aur hai..

Ajab aetbaar aur beaetbaari ke darmiyaan hai zindagi..
Main kareeb ho hoon kisi aur ke…mujhe jaanta koi aur hai..

Meri roshni tere khad-o-khal se mukhtalif toh nahi magar..
Tu kareeb aa tujhe dekh loon ..tu wohi hai ya koi aur hai..

Tujhe dushmano ki khabar na thi…mujhe doston ka pata nahi..
Teri dastaan koi aur thi…mera waqaya koi aur hai…

Wohi munsifon ki rivayatein..wohi faislon ki ibaratein..
Mera jurm toh koi  aur tha…meri sazaa koi aur hai..

Kabhi laut aayen toh poochna nahi..dekhna unhein gaur se..
Jinhe raaston mein khabar hui ke yeh raasta koi aur hai..

Jo meri riyasat-e-neem-shab ko ‘Saleem’ subah na mil saki..
Toh phir iske maani toh yeh hue ki yahan khuda koi aur hai..

Main khayal hoon kisi aur ka…mujhe sochta koi aur hai..
Sar-e-aaina mera aks hai…pas-e-aaina koi aur hai…

Kuch isii Tarah se hai Yaad

Khvaab kii tarah se hai yaad ke tum aaye the
jis tarah daaman-e-mashriq men sahar hotii hai
zarre zarre ko tajallii kii Khabar hotii hai
aur jab nuur kaa sailaab guzar jaataa hai
raat bhar ek andhere men basar hotii hai
kuchh isii tarah se hai yaad ke tum aaye the 

jaise gulashan men dabe paaon bahaar aatii hai
pattii pattii ke liye leke nikhaar aatii hai
aur phir vaqt vo aataa hai ke har mauj-e-sabaa
apane daaman men liye gard-o-Gubaar aatii hai
kuchh isii tarah se hai yaad ke tum aaye the 

jis tarah mahv-e-safar ho ko_ii viiraane men
aur raste men kahiin ko_ii KhiyaabaaN aa jaaye
chand lamhon men KhiyaabaaN ke guzar jaane par
saamane phir vohii duniyaa-e-biyaabaaN aa jaaye
kuchh isii tarah se hai yaad ke tum aaye the .......

Kuch Sadayen Majhadhar tak gayin

KhushiyaaN hamaarii sar-e-daar tak gaiin 
rusvaa_iyaaN bhii kuuchaa-o-baazaar tak gaiin 

tanhaaiyon ne faasale saare mitaa diye 
parchhaaiyaaN merii terii diivaar tak gayiin 

vo ehataraam-e-Gam thaa ke lab tak naa hil sake 
nazaren uThiin to sar-e-hadd-e-guftaar tak gayiin 

tum ne jalaayaa meraa nasheman to Gam nahiin 
chingaariyaaN uDiin gul-o-gulazaar tak gayiin 

Garqaab hone vaalon ko kuchh to milii madad 
saahil se kuchh sadaayen majhadhaar tak gayiin...

Mujhe kyaa Maaluum

Kis liye raqs dikhaataa huun mujhe kyaa maaluum
Main to bas vaqf-e-tamaashaa huun mujhe kyaa maaluum

Kaisaa hangaamaa baraabar ke makaan men hai muqiim
Main to Khud shor men rahataa huun mujhe kyaa maaluum

Ek Khurshiid se mansuub hain din raat mere
Dhuup huun yaa ko_ii saayaa huun mujhe kyaa maaluum

Aag hai yaa ko_ii gul_zaar tah-e-shaakh-e-chiraag
Khaak huun Khaak men rahataa huun mujhe kyaa maaluum

Ko_ii rut ho merii taqdiir hai bahate rahanaa
Vaqt huun ashk huun dariyaa huun mujhe kyaa maaluum

Mujh ko ik aankh liye phiratii hai galiyon galiyon
Kaun huun kyaa huun kahaan kaa huun mujhe kyaa maaluum

Aankh se kis kii main ojhal huun sar-e-bazm "Razi"
Aur kis ko nazar aataa huun mujhe kyaa maaluum...

Nasheman ke lut jane kaa gam hota to

khushii ne mujh ko thukaraayaa hai ranj-o-gam ne paalaa hai
gulon ne berukhii kii hai to kaanton ne sambhaalaa hai

muhabbat men khayaal-e-saahil-o-manzil hai naadaanii
jo in raahon men lut jaaye vahii taqadiir vaalaa hai

charaagaan kar ke dil bahalaa rahe ho kyaa jahaan vaalo
andheraa laakh raushan ho ujaalaa phir ujaalaa hai

kinaaro.n se mujhe ai naakhudaa duur hii rakhanaa
vahaan lekar chalo tuufaan jahaan se uthane vaalaa hai

nasheman hii ke lut jaane kaa gam hotaa to kyaa gam thaa
yahaan to bechane vaalon ne gulashan bech daalaa hai 

Dil Tod Diya

Kuchh to duniyaa ki inaayaat ne dil tod diyaa
Aur kuchh talkhii-e-haalaat ne dil tod diyaa

Ham to samajhe the ke barsaat men barasegii sharaab
Aayii barsaat to barsaat ne dil tod diyaa

Dil to rotaa rahe, or aankh se aansuu na bahe
Ishq kii aisii rawaayaat ne dil tod diyaa

Wo mere hain, mujhe mil jaayenge, aa jaayenge
Aise bekaar Khayaalaat ne dil tod diyaa

Aap ko pyaar hai mujh se ke nahiin hai mujh se
Jaane kyon aise sawaalaat ne dil tod diyaa...

Kyaa ye bhii Zindagii Hai

kyaa ye bhii zindagii hai ki raahat kabhii na ho
aisii bhii to kisii se mohabbat kabhii na ho

vaadaa zaruur karate hain aate nahiin kabhii
phir ye bhii chaahate hain shikaayat kabhii na ho

shaam-e-visaal bhii ye tagaaful ye berukhii
terii razaa hai mujhako masarrat kabhii na ho

ahabaab ne diye hain mujhe kis tarah fareb
mujhasaa bhii ko_ii saadaa tabiiyat kabhii na ho

lab to ye kah rahe hain ke uth, badh ke chuum le
aankhon kaa ye ishaaraa ke jurr'at kabhii na ho

dil chaahataa hai phir vahii fursat ke raat din 

mujhako to tere Khayaal se fursat kabhii na ho.........

Ko_ii Ayegaa Dil ko aas Rahe

khush rahe yaa bahut udaas rahe
zindagii tere aas paas rahe 

chaand in badaliyon se nikalegaa
ko_ii aayegaa dil ko aas rahe 

ham muhabbat ke phuul hain shaayad
ko_ii kaantaa bhii aas paas rahe 

mere siine men is tarah bas jaa
merii saanson men terii baas rahe 

aaj ham sab ke saath khuub hanse
aur phir der tak udaas rahe…..

Ab bhi Tu Paas Nahin Hai Lekin

kuchh to ehasaas-e-ziyaaN thaa pahale

dil kaa ye haal kahaaN thaa pahale

ab to manzil bhii hai Khud garm-e-safar
har qadam sang-e-nishaaN thaa pahale

safar-e-shauq ke far_sang na puuchh
vaqt beqaid-e-makaaN thaa pahale

ye alag baat ki Gam raas hai ab
is men andeshaa-e-jaaN thaa pahale

yuuN na ghabaraaye huye phirate the
dil ajab kunj-e-amaaN thaa pahale

ab bhii tuu paas nahiin hai lekin
is qadar duur kahaaN thaa pahale

Dere Daale hain bagolon ne jahaaN
us taraf chashm-e-ravaaN thaa pahale

ab vo dariyaa na bastii na vo log
kyaa Khabar kaun kahaaN thaa pahale

har Kharaabaa ye sadaa detaa hai
main bhii aabaad makaaN thaa pahale

kyaa se kyaa ho ga_ii duniyaa pyaare
tuu vahiin par hai jahaaN thaa pahale

ham ne aabaad kiyaa mulk-e-suKhan
kaisaa sun_saan samaaN thaa pahale

ham ne baKhshii hai Khamoshii ko zubaaN
dard majabuur-e-fuGaaN thaa pahale

ham ne roshan kiyaa maamuur-e-Gam
varnaa har simt dhuaaN thaa pahale

Gam ne phir dil ko jagaayaa 'Nasir'
Khaanaa_barbaad kahaaN thaa pahale....

Kyon hijr ke shikave karata hai

Kyon hijr ke shikave karata hai kyon dard ke rone rotaa hai
Ab ishq kiyaa hai to sabr bhii kar is men to yahii kuchh hotaa hai

Aagaaz-e-musiibat hotaa hai apane hii dil kii sharaarat se
Aankhon men phuul khilaataa hai talavon men kaanten botaa hai

Ahabaab kaa shikavaa kyaa kijiye khud zaahir va baatin ek nahin
Lab uupar uupar hansate hain dil andar andar rotaa hai

Mallaahon ko ilzaam naa do tum saahil vaale kyaa jaanon
Ye tuufaan kaun uthaataa hai ye kishtii kaun dubotaa hai

Kyaa jaane kyaa ye khoyegaa kyaa jaane kyaa ye paayegaa
Mandir kaa pujaarii jaagataa hai masjid kaa namaazii sotaa hai..

Koi Ham sa bhi na Tanhaa Hoga

lab-e Khaamosh se afshaa hogaa
raaz har rang men rusvaa hogaa

dil ke saharaa men chalii sard havaa
abr gulzaar pe barasaa hogaa

tum nahiin the to sar-e-baam-e-Khayaal
yaad kaa koii sitaaraa hogaa

kis tavaqqo pe kisii ko dekhen
koii tum se bhii hasiin kyaa hogaa

ziinat-e-halqaa-e-aaGosh bano
duur baithoge to charchaa hogaa

zulmat-e-shab men bhii sharmaate ho
dard chamakegaa to phir kyaa hogaa

jis bhii fankaar kaa shaahakaar ho tum
us ne sadiyon tumhen sochaa hogaa

kis qadar karb se chatakii hai kalii
shaakh se gul koii TuuTaa hogaa

umr bhar roye faqat is dhun men
raat biitii to ujaalaa hogaa

saarii duniyaa hamen pahachaanatii hai
koii ham-saa bhii na tanhaa hogaa....