Tumhen udaas saa paataa huun

Tumhen udaas saa paataa huun main kaaii din se
naa jaaney kaun se sadame uthaa rahii ho tum
wo shokhiyaan, wo tabassum, wo kah_kahe na rahe
har ek chiiz ko hasrat se dekhatii ho tum
chhupaa chhupaa ke khamoshii me.n apanii bechainii
khud apane raaz kii taashiir ban gaii ho tum


meri ummiid agar mit gaii to mitane do
ummid kyaa hai bas ek paas-o-pesh hai kuch bhi nahi
merii hayaat ki gam_ginion kaa gam na karo
gam hayaat-e-gam yak naqs hai kuchh bhii nahin
tum apane husn kii raanaaion par raham karo
vafaa fareb tul havas hai kuchh bhii nahin


mujhe tumhaare tagaaful se kyun shikaayat ho
meri fanaa meer ehasaas kaa taqaazaa hai
main janata hun ke duniyaa kaa khauf hai tum ko
mujhe khabar hai ye duniyaa ajiib duniyaa hai
yahaan hayaat ke parde mein maut chalatii hai
shikast saaz kii aawaaz mein ruu nagmaa hai


mujhe tumhaarii judaaii kaa koii ranj nahin
mere khayaal kii duniyaa mein mere paas ho tum
ye tum ne thiik kaha hai tumhen milaa na karun
magar mujhe bataa do ki kyun udaas ho tum
hafaa na ho merii jurrat-e-takhtab par
tumhen khabar hai merii zindagii kii aas ho tum


meraa to kuchh bhi nahin hai main ro ke ji lungaa
magar khudaa ke liye tum asiir-e-gam na raho
huaa hii kyaa jo zamane ne tum ko chhiin liyaa
yahan par kaun huaa hai kisi kaa socho to
mujhe qasam hai merii dukh bharii jawaani kii
main khush huun merii mohabbat ke phuul thukara do


main apanii ruuh kii har ek khushii mitaa lunga
magar tumhaarii masarrat mitaa nahiin sakataa
main khud ko maut ke hathon mein sanp sakataa hun
magar ye bar-e-musaaib uthaa nahin sakataa
tumhaare gam ke sivaa aur bhii to gam hain mujhe
nijaat jinase main ek lahaza paa nahiin sakataa