Aksar auqaat mujhay

Aksar auqaat mujhay paas bithaa kar rooye
aakhri waqt mujhay seenay sai laga kar rooye

mai apnay kamray mai veerani choor aaee thee
voh mairay kamray ko pholoon sai sajaa kar rooye

kisi nai poocha akelay mai kya guzaarti hai
moo sai kuch keh na sakay sur ko jhukaa kar rooye

apnay har lamhay ki tasveerain bana kar bhainjee
voh in tasveeron ko taveez bana kar rooye

gheray sunatay sai ghabra gaya jab dil unka
phool aur patoon ko ehwaal suna kar rooye

talaash kartee hain nazrain koee dardmand milay
mai agar zakhm dikhaoon tu voh hansnay kai bajaye rooye

Ai Ishq Hamen Barbaad na kar

ai ishq na chheD aa aa ke hamen
ham bhuule huo ko yaad na kar

pahale hii bahut naashad hain ham
tuu aur hamen naashaad na kar

qismat kaa sitam hii kam nahiin kuchh
ye taazaa sitam ijaad na kar

yuu.N zulm na kar bedaad na kar
ai ishq hame.n barbaad na kar

jis din se mile hain donon kaa
sab chain gayaa aaraam gayaa

cheharon se bahaar-e-subah ga_ii
aankhon se faroG-e-shaam gayaa

haatho.n se Khushii kaa jaam chhuuTaa
honthon se hansii kaa naam gayaa

GamGii.n na banaa naashaad na kar
ai ishq hame.n barbaad na kar

raaton ko uTh uTh rote hain
ro ro kar duaayen karate hain

aankhon me.n tasavvur dil me.n Khalish
sar dhunate hain aahen bharate hain

ai ishq ye kaisaa rog lagaa
jiite hain na zaalim marate hai.n

ye zulm to ai jallaad na kar
ai ishq hamen barbaad na kar

ye rog lagaa hai jab se hame.n
ranjiidaa huu.N mai.n biimaar hai vo

har vaqt tapish har vaqt Khalish
be-Khvaab huu.N mai.n bedaar ha vo

jiine se idhar bezaar huuN mai.n
maranbe pe udhar tayyaar hai vo

aur zabt kahe fariyaad na kar
ai ishq hamen barbaad na kar

bedard zaraa insaaf to kar
is umr mein aur maGmuum hai vo

phuulo.n kii tarah naazuk hai abhii
taaron kii tarah masuum hai vo

ye husn sitam ye ranj Gazab
majabuur huu.N mai.n mazaluum hai vo

mazaluum pe yuu.N bedaad na kar
ai ishq hame.n barbaad na kar

ai ishq Khudaaraa dekh kahiin
vo shoKh hasii.n badanaam na ho

vo maah-e-laqaa badanaam na ho
vo zohraa-jabiin badanaam na ho

naamuus kaa us ko paas rahe
vo pardaa-nashiin badanaam na ho

us pardaa-nashii. n ko yaad na kar
ai ishq hame.n barbaad na kar

ummiid kii jhuuThii jannat ke
rah rah ke na dikhalaa Khvaab hamen

aa_iindaa ke farzii ishrat ke
vaade se na kar betaab hamen

kahataa hai zamaanaa jis ko Khushii
aatii hai nazar kaamayaab hamen

chhoD aisii Khushii ko yaad na kar
ai ishq hame.n barbaad na kar

do din hii mein ahad-e-tifalii ke
maasuum zamaane bhuul gaye

aankhon se vo KhushiyaaN miT sii ga_ii.n
lab ke vo taraane bhuul gaye

un paak bahishtii Khvaabon ke
dilchasp fasaane bhuul gaye

un Khvaabo.n se yuu.N aazaad na kar
ai ishq hame.n barbaad na kar



aankhon ko ye kyaa aazaar huaa
har jazb-e-nihaaN par ro denaa

aahang-e-tarab pe jhuk jaanaa
aavaaz-e-fuGaan par ro denaa

barbat kii sadaa par ro denaa
mutrib ke bayaan par ro denaa

ehasaas ko Gam buniyaad na kar
ai ishq hame.n barbaad na kar

jii chaahataa hai ik duusare ko
yuun aaTh pahar ham karen

aankhon me.n basaaye.n Khvaabon ko
aur dil ko Khayaal aabaad karen

Khilvat me.n bhii jo jalvat kaa saamaaN
vahadat ko du_ii se shaad kare.n

ye aarazuue.n ijaad na kar
ai ishq hame.n barbaad na kar

vo raaz hai ye Gam aah jise
paa jaaye ko_ii to Khair nahii.n

aa.Nkho.n se jab aa.Nsuu bahate hai.n
aa jaaye ko_ii to Khair nahii.n

zaalim hai ye duniyaa dil ko
yahaa.N bhaa jaaye ko_ii Khair nahii.n

hai zulm magar fariyaad na kar
ai ishq hame.n barbaad na kar

duniyaa kaa tamaashaa dekh liyaa
GamGii.n sii hai betaab sii hai

ummiid yahaaN ik vaham sii hai
taskiin yahaaN ik Khvaab sii hai

duniyaa mein Khushii kaa naam nahiin
duniyaa mein Khushii nayaab sii hai

duniyaa me.n Khushii ko yaad na kar
ai ishq hamen barbaad na kar

Koi Apna Nahin Banta…!!!

Labo’n Py Naam Rakhny Sy

Dilo’n Mein Yaad Karny Sy

Har Ek Dhadkan, Har Ek Tadpan

Kisi Ke Naam Karny Sy

Koi Apna Nahin Banta…!!!

Tamam Umr Ki Khushiya’n

Mohabbat Ki Sabhi Ghadiya’n

Kisi Ko Daan Karny Sy

K, Uss Py Maan Karny Sy

Koi Apna Nahin Banta…!!!

Wo Pehly Pyar Ki Baatei’n

Rafaqat Ki Sabhi Raatei’n

Wo Chahat Ki Sabhi Rasmei’n

Mohabbat Ki Sabhi Qasmei’n

Humesha Yaad Rakhny Sy

Koi Apna Nahin Banta…!!!

Kisi Tanha Akeli Raah-Guzar Par

Purany Sy Kisi Boodhey Shajar Par

Patthar Sy Koi Dil Banany Sy

Aur…

Us Mein Apna Aur Kisi Ka Naam Sajany Sy

Koi Apna Nahin Banta…!!!

K Jab, Aankhei’n Hi Mar Jaaye’n

Tou Phir Sapna Nahi Banta

Ye Jeewan Daan Kar Jaaye’n

Tou Bhi Apna Nahi Banta

Koi Apna Nahin Banta…!!!

Yun Hi Be-Sabab Na Phira Karo

Yun Hi Be Sabab Na Phira Karo

Kisi Shaam Ghar Bhi Raha Karo

Woh Ghazal Ki Aisi Kitaab Hai

Use Chupke-Chupke Padha Karo

Abhi Raah Mein Kai Mod Hain

Koi Aayega Koi Jaayega

Tumhe Jisne Dil Se Bhula Diya

Use Bhulne Ki Dua Karo

Koi Haath Bhi Na Milaayega

Jo Gale Miloge Tapaak Se

Yeh Naye Mijaaz Ka Saher Hai

Zara Faasle Se Mila Karo

Mujhe Ishtihaar Si Lagti Hain

Yeh Mohabbaton Ki Kahaniyan

Jo Kaha Nahi Woh Suna Karo

Jo Suna Nahi Woh Kaha Karo

Woh Ghazal Ki Aisi Kitaab Hai

Use Chupke Chupke Padha Karo

Yun Hi Be-Sabab Na Phira Karo

Kisi Shaam Ghar Bhi Raha Karo

Yaado ko Yaad Karke

yaado ko yaad karke ashko ne daman thama mera

tanhai ki reh gujar ma hawaon ne bhi sath chora mera

bas tera hi chehra har paal ankhon ke sanme ata hai

jis ek pal ko sari takdir samaj beitha pagal dil mera.

chahat ne chaha us dil ko

jis dil ki chahat bhi naseeb hue humko

chaha to bahut ki chahat ko pa le

lekin chahat ne na chaha is dil ko

Teri ankhon ki kazal ne humko diwana bana diya

teri hatho ki nami ne mujhe pagal bana dia

aab is dil ma teri hi tasweer nazar ati hai

jis dilko aapne apne chehre se saja diya..

Ankhon ne talasha jis chehre ko wo ho tum

dil ne talasha jis dil ko wo ho tum

aab to ankhon ma bas tera hi chehra basta hai

jis dil ki har dhadkan ma base ho tum

Teri Nazar ma

Mana teri Nazar ma Tera pyar hum nahi

Kaise kahen ki tere Talabgaar hum nahi

Khud ko jala kar khak kar dala , mita diya

lo aab tumhare rah ma diwaar hum nahi

jisko sanwara humne tamannao ke khun se

gulshan ma us bahar ke haqdar hum nahi

Dhoka dia khud ko mohabbat ke naam se

kaise kahen ke tere gunehgar hum nahi..