Kabhii ai haqiiqat-e-muntazir ...

Kabhii ai haqiiqat-e-muntazir
nazar aa libaas-e-majaaz men
ke hazaaron sajde tadap rahe hain
meri jabiin-e-niyaaz men

Turb aashanaa-e-Kharosh ho
tuu nawaye  maharam-e-gosh ho
wo surood kiya ke chuupa huaa ho
sakoot-e-pardaa-e-saaz men

Tuu bachaa bachaa ke na rakh ise
teraa aaiinaa hai vo aaiinaa
ke shikastaa ho to aziiz tar hai
nigaah-e-aaiinaa-saaz men

Dam-e-tauf karmak-e-shama na ye
kahaa ke vo asr-e-kohan
na terii hikaayat-e-soz men
na merii hadees-e-gudaaz men

Na kahiin jahaan men aman milii
jo aman milii to kahaan milii
mere jurm-e-khaanaakharaab ko
tere uffv-e-bandaa-nawaz men

Na vo ishq men rahiin garmiyaan
na vo husn men rahiin shokhiyaan
na vo Gazanavii men tadap rahii
na vo Kham hai zulf-e-ayaaz men

Jo main sar-ba-sajdaa kabhii huaa to
zamiin se aane lagii sadaa
teraa dil to hai sanam-aashanaaa
tujhe kyaa milegaa namaaz men….

kabhi jo main ne .....

kabhii jo main ne masarrat kaa ehatamaam kiyaa
baDe Tappak se Gam ne mujhe salaam kiyaa

hazaar tark-e-ta'alluq kaa ehatamaam kiyaa
magar jahaaN vo mile dil ne apanaa kaam kiyaa

zamaane vaalon ke Dar se uThaa na haath magar
nazar se us ne basad maazarat salaam kiyaa

kabhii haNse kabhii aahen bhariin kabhii roye
baqadr-e-martabaa har Gam kaa ehataraam kiyaa

hamaare hisse kii may kaam aaye pyaason ke
zer-e-raah-e-Khair gunaah shikast-e-jaam kiyaa

tuluu-e-mahar se bhii ghar ki tiiragii na ghaTii
ek aur shab kaTii yaa main ne din tamaam kiyaa

duaa ye hai ke na huuN gum_raah ham_safar mere
'Khumar' main ne to apanaa safar tamaan kiyaa.......

Pehle roushni ko tarasne wale

Pehle roushni ko tarasne wale,
aaj hain hum shayon se dosti rakhne wale

woh suna chuke hain humein apna faisla,
har sawal ka jawab sawal se dene wale

kyon umeed karke udas karon khud ko,
jhooti ass banaee kwabon mein rehne wale

teri nasseb mein hai sirf sohrat-e-harf,
nahi milenge lafzoon ko mehsoo karne wale

woh laga gaye hain mujh par ilzam kya kya,
rooz fareb, hamesha se ghaat karne wale

koun koun se zakmon ko chupaoon main,
itne gehre hain mere ghaw nahi chupne wale

kya pyar karon ab to nafrat bhi nahi ati,
youn loot gaye mujhe bewafaee karne wale

bech deta hai zamana masihon ko 'Nazeer'
rehbar he the Isa ko saleeb tak pohchane wale....

Tum ko hi yaad kiya

Chahat k is deryaa per
deryaa aur kinarey per
dil aaj azaad kiya
mainey tum ko yaad kiya...

tanhaii ki ratoon main
khud hi batoon batoon main
is dil ko shaad kiya
mainey tum ko yaad kiya...

jaab se tum ko dekhaa hai
jaab se tum ko chahaa hai
dil ne yahi faryaad kiya
mainey tum ko yaad kiya...

is jeewan ki nisaboon main
aur ratoon k khawaboon main
jaag k bhi dil shaad kiya
mainey tumko yaad kiya...

phool ye khilney se pehlay
tum ko milney se pehlay
khud ko yun berbaad kiya
mainey tum ko yaad kiya
bus tum ko hi yaad kiya….

Main badanasiib hosh men aaya nahin

teraa Khayaal dil se miTaayaa nahiin abhii
bedard main ne tujh ko bhulaayaa nahiin abhii

kal tuune muskuraa ke jalaayaa thaa Khud jise
siine aa vo charaaG bujhaayaa nahiin abhii

gardaan ko aaj bhii tere baahon kii yaad hai
chaukhaT se terii sar ko uThaayaa nahiin abhii

behosh hoke jald tujhe hosh aa gaayaa
main badanasiib hosh men aayaa nahiin abhii......

Aaj kii raat bhii guzarii hai meri

aaj kii raat bhii guzarii hai merii kal kii tarah
haath aaye na sitaare tere aaNchal kii tarah

raat jalatii hu_ii ik aisii chitaa hai jis par
terii yaaden hain sulagate huye sandal kii tarah

tuu ki dariyaa hai magar merii tarah pyaasaa hai
main tere paas chalaa aa_uuNgaa baadal kii tarah

main huuN ik Khvaab magar jaagatii aaNkhon kaa "Ameer"
aaj bhii log gavaaN de na mujhe kal kii tarah ....

Chaaho unhen jitanaa dekho

phir bhii hai tumako masihaa_ii kaa daavaa dekho 
mujhako dekho, mere marane kii tamannaa dekho 

jurm-e-nazzaaraa pe kaun itanii Khushaamad karataa 
ab vo ruuThe hain lo aur tamaashaa dekho 

do hii din men vo baat hai na vo chaah na pyaar 
ham ne pahale hi ye tum se na kahaa thaa dekho 

ham na kahate the banaavaT se hai saaraa Gussaa 
haNs ke lo phir vo unhon ne hamen dekhaa dekho 

mastii-e-husn se apanii bhii nahiin tum ko Khabar 
kyaa suno araz merii, haal meraa kyaa dekho 

ghar se har vaqy nikal aate ho khole hue baal 
shaam dekho na merii jaan saveraa dekho 

Khaanaa-e-jaaN men namudaar hai ek paikar-e-nuur 
hasarato aao ruKh-e-yaar kaa jalvaa dekho 

saamane sab ke munaasin nahiin ham par ye itaab 
sar se Dhal jaaye na Gusse men dupaTTaa dekho 

mar miTe ham to kabhii yaad bhii tum ne na kiyaa 
ab muhabbat kaa na karanaa kabhii daavaa dekho 

dosto tark-e-muhabbat kii nasiihat hai fazuul 
aur na maano to dil-e-zaar ko samajhaa dekho 

sar kahin baal kahiin haath kahiin paaNo kahiin 
us kaa sonaa bhii hai kis shaan kaa sonaa dekho 

ab vo shoKhii se ye kahate hain sitamagar jo hain ham 
dil kisii aur se kuchh roz bahalaa dekho 

havas-e-diid miTii hai na miTegii "Hasrat" 
dekhane ke liye chaaho unhen jitanaa dekho 

Purkhon kii rivaayat hai

purkhon kii rivaayat hai ise tum bhii nibhaao
pyaason ko samandar se bahut duur basaao

yuuN fikr men har shaKhs kii Khud ko na ghulaao
jiinaa hai to phir dil ko bhii patthar kaa banaao

ye yaad rahe zulm kii had hotii hai yaaro
tum ham ko sataao magar itanaa na sataao

har Khvaab-e-kohan tishnaa-e-tasviir hai jab tak
tum ko_ii nayaa Khvaab na logon ko dikhaao

jaage huye sone pe razaamand nahiin hain
soye huye logon ko na 'Parwez' jagaao.......

kyaa Khabar tum ko...

paaon ke zaKhm hain farsh-e-gul-e-tar hone tak
raah dushvaar hai aaGaaz-e-safar hone tak

ye alag baat ke Khaamosh hain ahal-e-zindaaN
varnaa ye qaid hai diivaar men dar hone tak

ek nazar naqsh-e-kaf-e-paa kaa hunar to dekho
kahkashaaN sii nazar aatii hai sahar hone tak

haaye vo biij jo miTTii men dabaa rahataa hai
kin maraahil se guzarataa hai shajar hone tak

kyaa Khabar tum ko ki ye saqf ye diivaar hain kyaa
ham pe kyaa guzarii hai is chhaaon ke ghar hone tak……….

Terii Khushbuu kaa pataa karatii hai

Terii Khushbuu kaa pataa karatii hai
mujh pe ehasaan havaa karatii hai

shab kii tanhaa_ii men ab to aksar
guftaguu tujh se rahaa karatii hai

dil ko us raah pe chalanaa hii nahiin
jo mujhe tujh se judaa karatii hai

zindagii merii thii lekin ab to
tere kahane men rahaa karatii hai

us ne dekhaa hii nahiin varnaa ye aaNkh
dil kaa ehavaal kahaa karatii hai

beniyaaz-e-kaaf-e-dariyaa angusht
ret par naam likhaa karatii hai

shaam paDate hii kisii shaKhs kii yaad
kuuchaa-e-jaaN men sadaa karatii hai

mujh se bhii us kaa hai vaisaa hii suluuk
haal jo teraa ana karatii hai

dukh huaa karataa hai kuchh aur bayaaN
baat kuchh aur huaa karatii hai

abr barase to inaayat us kii
shaaKh to sirf duaa karatii hai

masalaa jab bhii uThaa chiraaGon kaa
faisalaa sirf havaa karatii hai ...........

inkaar mein iqaraar kii baat

inkaar mein iqaraar kii baat aa hii gaii hai
baaton men Gam-e-yaar kii baat aa hii ga_ii hai

aayaa hai kabhii zikr agar daar-o-rasan kaa
gesuu-va-qad-e-yaar kii baat aa hii ga_ii hai

jab surKhiI-e-gul_shan kaa kabhii zikr huaa hai
tere lab-o-ruKhsaar kii baat aa hii ga_ii hai

Dhuundaa hai agar zaKhm-e-tamannaa ne mudaavaa
ik nargis-e-biimaar kii baat aa hii ga_ii hai

mil baiThe hain zindaaN mein agar shaam ko ahabaab
tere dar-o-diivaar kii baat aa hii ga_ii hai

chheDaa hai ko_ii talKh fasaanaa jo kisii ne
shiiriini-e-guftaar kii baat aa hii ga_ii hai......

Mera rehbar bhi tum ho.........

be dardo ki dunya me sukoon chah raha hu,
jinki aankhe nam hai unhi se apni muskaan maang raha hu,
na mile mujhe be wafao ki mehfil,
mai to sirf wafa ki tanhai chah raha hu…………

hazaro khwahishe hain dil me,
par meri khwahish ka kya karun,
har khwahish par hai khuda ki marzi,
ab tuhi bataa khuda na chahe to kya karun……….

bekhabar hun ye zindagi kaha lekar jaegi,
lekin har jagah mujhe khuda ki marzi mili,
mujhe khone ka ghum unhe hai, par mujhe bhi hai,
wo bhi to ek hi thi jo mujhe na mili……….

tu jab mere saamne hoti hai,
tab mai khud ko bhool jaata hu,
kya kahu mai teri kubsurti ka aalam,
ke har aine me maine sirf tujh ko hi paata hun………..

us ittefaaq ko ittefaaq samaj baithe hum,
magar wo ittefaaq, ittefaaq na tha,
teri naa raazgi jo thi,
wo taq aaza wafa ka tha……….

mera raasta bhi tumho meri roshni bhi tumho,
mera har mod bhi tum ho meri raahat bhi tumho,
bada ajeeb safar diya hai khuda ne mujhe,
mera rehbar bhi tum ho meri manzil bhi tumho……….

Unko tasavoorat me aane nahi diya

Unko tasavoorat me aane nahi diya
Halat ne ye lutf uthane nahi diya

Gam mere sath sath bahut door tak gaye
Sikwa magar Zaban pe aane nahi diya

Dastaar gir gai to gire sar to bach gaya
kuch behiso ko zarf khuda ne nahi diya

Tha kitna dil shikan teri yadoon ka marhala
Aankhon ko phir bhi ashk bahane nahi diya

Majbooriyon ne pao mein zanjeer daal dee
Hamne khusi se apko jane nahi diya

Mai khud hi apni rah ka pathar bana raha
Aisa nahi sath dua ne nahi diya

'shahid' meri saada dilo ne khabhi mughe
Aena doosto ko dikhane nahi diya.......

Shayad aage

Muze Takat Di jinda rehna ki
Muze hoansla diya chalte jane ka
mai sochta hoon kuda muz per kyon itna mehrbaan hai
ya shayad aage isse bhi bada registan hai

behisab waqt hai jinke pass
wo dua bhi mangte be hisab hain
apne pass to wahi kaba wohi kuraan hai
ya shayad aage ............ ......... ......

Ta umr gujar denge yu hi ladte ladte
hum wo sipahi hai jinke pass na tir hai na kaman hai
ya shayad aage........ ......... ......... .......

Appne khoon ko rang-e-hina banane ka hunar jo jante hain
wohi to insaan hai 

ya shayad aage........ ......... ......... .......

Jeene Ke Liye Bhi Waqt Nahi

Har khushi Hai Logon Ke Daman Mein,
Par Ek Hansi Ke Liye Waqt Nahi.
Din Raat Daudti Duniya Mein,
Zindagi Ke Liye Hi Waqt Nahi.

Maa Ki Loree Ka Ehsaas To Hai,
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke,
Ab Unhe Dafnane Ka Bhi Waqt Nahi.

Saare Naam Mobile Mein Hain,
Par Dosti Ke Lye Waqt Nahi.
Gairon Ki Kya Baat Karen,
Jab Apno Ke Liye Hi Waqt Nahi.

Aankhon Me Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi.

Paison ki Daud Me Aise Daude,
Ki Thakne ka Bhi Waqt Nahi.
Paraye Ehsason Ki Kya Kadr Karein,
Jab Apane Sapno Ke Liye Hi Waqt Nahi.

Tu Hi Bata E Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi Waqt Nahi.......