Tuesday, July 12, 2011

Wo Ajnabi Muhabbat



Gaye dinon ka suragh le ker kidher se aya,kidher gaya wo
Ajeeb manoos ajnabi tha,mujhe to hairaan ker gaya wo

Bas aik moti si chab dikha ker,bas aik meethi si dhun suna ker

Sitara-e-sham ban k aya,ba rang-e-khawab-e-sahar gaya wo

Khushi ki rutt ho k ghum ka mosam,

nazer ussay hi dhoondhti hai her dam
Wo boo-e-gul tha k naghma-e-jaan..meray to dil mai uter gaya wo

Na ab wo yaadon ka cherhata derya,na fursaton ki udas berkha

Younhi zara si kasak hai dil mai,jo zakhm gehra tha bhar gaya wo

Kuch ab sambhalnay lagi hai jaan bhi,badal chala dor-e-aasman bhi

Jo raat bhari thi tal gai hai,jo din kara tha guzer gaya wo

Shikasta pa raah mai kahara hoon, gaye dinon ko bula raha hoon

Jo qafla mera humsafar tha,misaal-e-gerd-e-safar gaya wo

Bas aik manzil hai bul-hawas ki hazar rastay hain ahl-e-dil k

Yahi to ferq tha mujh mai us mai,guzer gaya mai, thehar gaya wo

Mera to khawan ho gaya hai paani,sitam garon ki palak na bheegi

Jo naala utha tha raat dil se najanay kyun be aser gaya wo

Wo hijr ki raat ka sitara,wo hum nafas wo hum sukhan huamara

Sada rahey us ka naam piyara,suna hai kal raat mer gaya wo

Wo jis k shanay per haath rakh ker safar kiya tu ne manzilon ka

Teri gali se najanay kyun aaj,ser jhukaye guzer gaya wo

Wo raat ka be nawa musafir,wo tera shair wo tera Nasir

Teri gali tak to hum ne dekha, phir najanay kidher gaya wo....




5 comments:

Anonymous said...

haan zahir hai.ab to saibon ka baagh hai poora.

Nawaqif Rehnuma said...

ghum bhulaane ke bahaane se hi gum ko yaad karte hain hum, kisi ko batake hi apne dil ka dard mita lete hain hum, chaahte hain kisiko is qadar ki uski judaai seh nahi paate,uski jadai ke kisse hi apne doston ko sunaate hain hum...........

comments ke liye shukria

Anonymous said...

acha acha mein ne samjha kay

ham ne jis jis ko bhi chaha teri furqat mai faraz
aate jaate mosam thay,zamana tu tha

Nawaqif Rehnuma said...

khoob kaha aapne.lekin ham faraz sahab ki tarah khushkismat kahan?

guftagu me bahaar ka mausam
be-sabab aitbaar ka mausam
kyu mujhe saare dhang yaad rahe
kitni hairan ho gaya khud per
me tujhe aaj tak nahi bhoola
pichle mausam ki yaad baqi ha ...

Anonymous said...

waisay pata nahi faraz sahab khushkismat they ya nahi kyuon kay logon ki raey un kay baray mae kuch ziada achi nahi hai :) halan kay wo toy kehtay kehtay Allah ko payaray ho gaye kay

Mein Mohabbat maiN bhi touheed ka qail hoon Faraz
Aik hi shakhs ko mehboob banaye rakha

Post a Comment