kuchh ishq thaa kuchh majabuurii thii so mai.n ne jiivan vaar diyaa main kaisaa zindaa aadamii thaa ik shaKhs ne mujh ko maar diyaa ye sajaa sajaayaa ghar saaqii merii zaat nahiin meraa haal nahiin ai kaash kabhii tum jaan sako jo us sukh ne aazaar diyaa main Khulii hu_ii ik sachchaa_ii mujhe jaanane vaale jaanate hain main ne kin logon se nafrat kii aur kin logon se pyaar kiyaa vo ishq bahut mushkil thaa magar aasaan na thaa yuuN jiinaa bhii us ishq ne zindaa rahane kaa mujhe zarf diyaa pindaar diyaa ik sabz shaaKh gulaab ka thaa ik duniyaa apane pyaar ka thaa vo ek bahaar jo aa_ii nahiin us ke liye sab kuchh haar diyaa main rotaa huuN aur aasmaan se taare TuuTate dekhataa huuN un logon par jin logon ne mere logon ko aazaar diyaa vo yaar hon yaa mahabuub mere yaa kabhii kabhii milane vaale ik lazzat sab ke milane men vo zaKhm diyaa yaa pyaar diyaa....
Purity of Heart
10 years ago
5 comments:
bhai ji/behan ji...kia jis mohabbat ka aap ziker kertay/kerti hain.wo is dunniya mai exist kerti hai?pata nahi mujhe kyun yaqeen nahi ata..mujhe ajeeb qisam ki herat hoti hai jab key of my heart/do u love someone jaisi poems meri nazer se guzerti hain.
Anonymous ji ...aapko herat kyun ho raha hai….Mohabbat ke hazaro raang hote hai rup hota lekin har rang rup ma Mohabbat aziz hota hai. shart sirf itna hai ke pehle aap samjhe ke Mohabbat kia hai. Wasi shah ka 'Muhabbat Akhirish hai kia' ya phir 'Do you Love someone’ aapko sirf thoda hints de sakta hai isse jiyaada kuch nahi......aapke nigaho ma mohabbat kia hai ye to sirf aap hi behtar jane …….
kisike liye khuda ka ibadat hi mohabbat hai,koi din dunia bhula kar ek hi insan ke khayalo ma magan rehneko mohabbat samajte hai to koi apne majburi ko , apne qurbani ko,responsibility ya compromise ko mohabbat samajte hai ..… aab aapka sawal ye ho sakta hai ke ‘to kia ye sab mohabbat nahi hai ?’ haan ye sabhi mohabbat hai agar mohabbat ke sath nibhaya jaye. hazaro insani jazbato ko khud ma samet kar sacchi mohabbat hamesha nazro se ojhal reh jati hai….kabhi koi paak dilo pe wo aapne raaz kholte hai aur jadataar wakt mohabbat apne hakikat se parda uthne nahi deti…
mai in saari mohabbaton se waqif hoon.wo bhi jo insaniyat k natay hoti hai aur wo bhi jo aik khandan aur aik kunbay k log aik doosray se kertay hain...in do jumlon mai wo sab mohabbtein hain jin ka ziker aap ne ooper kia...mai ne jo aap se do buniyadi sawal kiye thay wo aap ne nazer andaz ker diye...aik to ye k mai ne us specific mohabbat ka poocha tha jis ka ziker aap ne "the key of my heart" mai kia ...kia ye waqai exist kerti hai kyun baqi aap ne jin bhi qismon ka zikr kia wo sab mujkhe apni poori juziyat k saath mehsoos hoti hain.siwaye is khas qisam k..so mai curious hoon..jab mai kisi ko is baray mai itni tafseel se baat kertay dekhoon to mujhe herat hoti hai.so isi liye poocha k kia ye lafz hain ya aap waqai aisa feel bhi kertay hain?doosra ye k mujhe aap ki tehreer perh ker kabhi nahi laga k ye kisi khatoon ki tehreer hai..isi liye aap se poocha k kahin ye ferq mohabbat ki bajaye merd aur aurat ki soch ka to nahi???
aur kisika mujhe pata nahi lekin meri jindegi ma jarur exist karta hai....main ne apne blog ma wahi post kia jo meri tabiyat aur jajbato ko bayan kar sake...uss mohabbat ka zikr kia jo main ne khud me paya aur apne kareebi logon me mehsus kia......jeise ke sab log kerte hai…..
mera jawab aapki curiosity ko dur to ker sakti hai lekin jab tak na aap bhi iss mohabbat ko mehsus kare aapko yakin dilane ke liye kafi nahi…. ussi tarah jeise aapko ye yakin dilana mushkil hai ke ye ek khatoon ka hi tahreer hai….aur jaha tak farq ki baat hai mohabbat to bas mohabbat hoti…ek insani jazba….chahe wo aurat ka ho ya merd ka….haan ye mumkin hai jab unke khasosiat alag hai to sochneka tarika alag hoga….lekin ehsas ma koi fark nahi ho sakta….
darust fermaya aap ne jazbat aik se zaroor hotay hain laikin un ko mehhsoos kernay aur bayan ka tareeqa aur un ko bayan kernay ka tareeqa zaroor ferq hota hai aur ye ferq Allah tala ne rakha hai..aap ko pata nahi kyun laga k mujhe yaqeen dilana mushkil hai...Baqi jis dil mai bhi touheed ho wo pak hota hai...jaisa k hazoor s.a.w ne fermaya karam to momin ka dil hai..baqi log chahay wo koi bhi hoon..k nabi kareem.s.a.w hon ya ahl-e-bait un se mohabbat sirf is liye kerni hai k Allah ne aisa kernay ka hukam diya...abdaur mabood ki tameez to beherhaal rehti hi hai..baqi jo Allah kisi ko toufeeq dey.
Post a Comment