Khushbuu aatii hai

bechain bahaaron mein kyaa-kyaa hai jaan kii Khushbuu aatii hai
jo phuul mahakataa hai usase tuufaan kii Khushbuu aatii hai

kal raat dikhaa ke Khvaab-e-tarab so sej ko suunaa chhod gayaa
har silavaT se phir aaj usii mehamaan kii Khushbuu aatii hai

talkiin-e-ibaadat kii hai mujhe yuun terii muqaddas annkhon ne
mandir ke dariichon se jaise lobaan kii Khushbuu aatii hai

kuchh aur bhii sanse.n lene par majabuur-saa main ho jaataa hun
jab itane bade jangal mein kisii insaan kii Khushbuu aatii hai

kuchh tuu hii mujhe ab samajhaa de ai kufr duhaa_ii hai terii
kyuun shekh ke daaman se mujhako imaan kii Khushbuu aatii hai

Darataa hun kahiin is aalam mein jiine se na munakir ho jaauun
ahabaab kii baaton se mujhako ehasaan kii Khushbuu aatii hai

Aaj us shehr se phir door chala aaya hooN

Aaj us shehr se phir door chala aaya hooN

meiN ne jis shehr meiN jeene ka tariqa seekha

jis ki maanoos fizaaoN meiN buune the naghme

ibn-e-aadam se mohabbat ka saliqa seekha

Jis ki galioN meiN mere dil ki kali mehki thi

meri aankhoN meri nas nas meiN suroor aaya tha

jis meiN ik hawwa ki beti ne kiye the wa'ade

apni ma'asoom adaaoN se yeh samjhaya tha

Kitne anmol haseeN khawab tumhe deti hooN

aur tum ho ke na haq hi gurezaaN tum ho

meiN jo haazir hooN tera dard bataane ke liye

phir bhi kiya baat he kyoN itne pareshaaN tum ho

Jis ke khush rang haseeN wa'adoN meiN aa kar meiN ne

dil-e-weeraan ka darwaza khula chaurh diya

jis ki ulfat ne badal dali this dunya meri

jis ki chaahat ne meri zeest ka rukh maur diya

Yak bayak us shehr ne phir mujh se nigaheiN pheriN

mero chahat mere jeewan meiN zhehr ghaul diya

mere armaanoN ko rangeen kafan pehnaa kar

zar ke baazaar meiN jazboN ka nirakh baul diya

Aaj us shehr se phir door chala aaya hooN

jis ki galioN me meri zeest ka saamaan luta

jist ke ik kooche meiN wohi maah jabeeN rehti he

jis ke baazaaroN meiN ik saada sa insaan luta

kya mila tum ko

Batao kya mila tum ko bhala hum say khafa ho kar

Suna hai tum bhi pareshan ho hum say juda ho kar

Qasoor aakhir tumhara tha yah mera tha khuda jaane

Kabhi yeh baat soochain ge phir say ek jagha ho kar

Abhi tuk yaad hai hum ko tumhara woh haseen wada

Na tum jee paao ge dunya main hum say bewafa ho kar

Jo hain boondain in aankhon main mohabbat ki hain sooghatain

Yahi to tohfe mile hain hum ko tum say bawafa ho ker..........

Manzil Ki Tarah

Dheerey Se Sarakti Hai Raat Us Ke Aanchal Ki Tarah

Us Ka Chehra Nazar Ata Hai Jheel Mein Kanwal Ki Tarah

Baad Muddat Us Ko Dekhaa To Jism o JaaN Ko Yun Lagaa

Piyaasi ZameeN Pe Jesey Koi Baras Gaya Badal Ki Tarah

Roz Kehta Hai Seeney Pe Sir Rakh Ke Raat Bhar Sula'oun Ga

Sar-e-Shaam Hi Mujhey Aaj Phir Sula Gaya Wo Kal Ki Tarah

Us Ka Sharmaana Bhi Mujhey Maat De Jaataa Hai

Us Ki To Har Adaa Hai Kisi Khamosh Qatil Ki Tarah

Merey Hi Dil Ka MakeeN Nikla Wo Shakhs Aur Mein

Shehar Bhar Mein Dhoodnta Raha Usey Kisi Pagal Ki Tarah

Madhosh Sa Ho Jata Hun Jab Barish Ki Boondein

ChheRti Hain Koi Naghma Us Ki Chhanakti Payal Ki Tarah

Mera Sukhan Us Ki Zaat Ka Mehwar Na Ho Tab Bhi

Wo NaazneeN Wo Dil NasheeN Hoga Mehakti Ghazal Ki Tarah

Nahee Tha KhaarzaroN Pe Tanha Be Sabab Safar Mera

YaqeeN Tha Mil Jaye Ga Raah Mein Wo Manzil Ki Tarah

Ashq meri aankh ki deewar dhoondtaa rahaa...

Patthar dilon ki duniya mein pyaar dhoondtaa rahaa

nadaa.N tha main sehraa mein jo bahaar dhoondtaa rahaa

mere har ek khwaab ko jab todkar tu chal diyaa

main tere inkaar mein ikraar dhoondtaa rahaa

ye deewani si mohabbat milnii kya aasaan hai

usne wo khoya jo main har baar dhoondtaa rahaa

kaid mein hai aur shaayad girne ko betaab bhii

'ashq' meri aankh ki deewar dhoondtaa rahaa...

Tuu kisii aur kii jaagiir hai ai jaan-e-Gazal

tuu kisii aur kii jaagiir hai ai jaan-e-Gazal
log tuufaan uThaa de.nge mere saath na chal

pahalehaq thaa terii chaahat ke chaman par meraa
pahale haq thaa terii Khushbuu-e-badan par meraa

ab meraa pyaar tere pyaar kaa haq_daar nahii.n
mai.n tere gesuu-o-ruKhsaar kaa haq_daar nahii.n
ab kisii aur ke shaano.n pe hai teraa aa.Nchal

mai.n tere pyaar se ghar apanaa basaa_uu.N kaise
mai.n terii maa.Ng sitaaro.n se sajaa_uu.N kaise

merii qismat me.n nahii.n pyaar kii Khushbuu shaayad
mere haatho.n kii lakiiro.n me.n nahii.n tuu shaayad
apanii taqdiir banaa meraa muqaddar na badal

nahii.n ki milane milaane kaa sil_silaa rakhanaa
kisii bhii satah pe ko_ii to raabtaa rakhanaa

madad kii tum se tavaqqo to Khair kyaa hogii
Gariib-e-shahar- e-sitam huu.N meraa pataa rakhanaa

mare.nge aur hamaare sivaa bhii tum pe bahut
ye jurm hai to phir is jurm kii sazaa rakhanaa

naye safar pe ravaanaa huaa hai az-sar-e-nau
jab aa_uu.Ngaa to meraa naam bhii nayaa rakhanaa

hisaar-e-shauq uThaanaa 'Zafar' zaruur magar
kisii taraf se nikalane kaa raastaa rakhanaa

Ranjish hi sahi....

Ranjish hi sahi dil hi dukhane ke liye aa

aa phir se mujhe chhod ke jaane ke liye aa.......

Pahale se maraasim na sahii phir bhi kabhi tou

rasm-o-rahe duniya hi nibhane ke liye aa....

Kis kis ko batayenge judaai ka sabab ham

tu mujhse khafaa hai tou zamaane ke liye aa .........

kuch tou mere pindaar-e-mohabbat ka bharam rakh

tu bhi to kabhi mujh ko manaane ke liye aa.....

ek umr se hoon lazzat-e-giriyaa se bhi maharuum

aye raahat-e-jaan mujh ko rulaane ke liye aa...

ab tak dil-e-khushfeham ko tujh se hain ummiden

ye aakharii shammen bhi bujhaane ke liye aa

Imtehaan

tuune ye phuul jo zulfon mein lagaa rakhaa hai
ik diyaa hai jo andheron mein jalaa rakhaa hai

jiit le jaaye koii mujhako nasiibon vaalaa
zindagii ne mujhe daa o pe lagaa rakhaa hai

jaane kab aaye koii dil mein jhankane vaalaa
is liye main ne Girebaan ko khulaa rakhaa hai

imtehaan aur merii zabt kaa tum kyaa loge
main ne dhadkan ko bhii siine mein chhupaa rakhaa hai .....

Aao apna tumhe banata hun

lao khushio ko mai sajata hun

aao apna tumhe banata hun

tod kar lata hun sitare mai

aao mathe pe mai sajata hun

gam bhula du k mai tumko itna pyar karu

aao baho me tumse tumhe mai churata hun

dard apne nisaar do mujhpe

zakhm apne sare mujhpe war do apne

band kar lo ab apni palke tum

dekho ankho me bas mai hi najar aata hun

meri najro se dekho duniya tum

tumhari duniya ko mai sajata hun

aao aab bhul k khud ko bhi..... tum chale aao

aao aajao............... tumhe mai sanam bulata hun

Pehle tu mile to sahi

mai ek sham tere naam ki jiyu to sahi

dekhu jindgi ne tujhko diya kya mere waste hai

mujhko hai intejaar tera

ya tujhko intejaar mera hai

khada hun sochta ek swal k dorahe par

chaloonga,ek jawab mujhko mile to sahi

mai ab bhi ji raha hun besukun sajayafta

jiunga mai bhi,jiye mai ko jindgi mile to sahi

ab bhi mai sabr k hawale hun

sochunga kyu,pehle tu mile to sahi

hasrat e jindgi,chahat khushi meri bhi hai

mile ko naseeb kuchh khushi ho to sahi

bahot saur se takta raha hun rahe mai

karunga safar aage k raah meri dikhe to sahi

mai ik gunah e pakijah kar loonga fir se

hath thame ko gunahgaar ik mile to sahi

tak raha hun mai teri raah a chand kab se

meri duniya me bhi ek chand ab khile to sahi

Tujhe Apny Zabt Pey Naz Tha

Tujhe Apny Zabt Pey Naz Tha, Sar-E-Bazam Raat Ye Kia Hoa

Mery Ankh Keyse Chalakh Pary, Mujhe Ranj Hai Ye Bora Hoa

Mery Zindagi Ke Charagh Ka, Ye Mizaj Koi Nahi Naeya

Kabhi Roshni Kabhi Tergi, Na Jala Hoa Na Bujha Hoa

Mujhe Aap Kuen Na Samjh Saky, Ye Apny Dil Sey Hi Pocheye

Mery Dastan-E-Heyat Ka, Hai Warq Warq Khula Hoa

Abhi Abhi Mery Pass Sey, Jo Nazar Bacha Key Ghorh Gaye

Ye Mery Seher Key Loog Han, Mery Ghar Sey Ghar Mila Hoa

Mujhe Jo Bhi Dushman-E-Jan Mila,Wohi Pukhta Kar-E-Jafa Mila

Na Kisi Ke Chot Ghalat Pary, Na Kisi Ka War Kahta Hoa

Mujhe Ham Safar Bhi Mila Koi, Tu Mery Tarha Hi Luta Hoa

Kabhi Manziloon Se Hata Hoa, Kabhi Qafiloon Sey Luta Hoa

Mujhe Ik Gali Men Para Hoa, Kisi Bad Naseeb Ka Khath Mila

Kaheen Khoon-E-Dil Sey Likha Hoa, Kaheen Ansoon Sey Mita Hoa

Hameen To Ye Bhi Haq Nahi, Ke Shareq Bazam Kohlos Hon

Na Cehry Pey Apny Naqab Hai, Na Kuch Asteen Men Chupha Hoa

Hameen Apny Gharh Sey Chaly Hoye, Sar Rah Umer Goor Gaye

Na Safar Ka Haq Ada Hoa, Na Justajo Ka Sila Mila

Abhi khuch din lagein ge

Abhi Tehro

" Abhi khuch din lagein ge"

Wassl ko khawahish banane mai,

Tumhe apna samjhne ke liye dil ko manane mai,

Abhi khuch din lagein ge.

Abhi hum apni apni khushbo"oo ko dil se milne dein,

Inhein mehsson karne dein,

Wafa kiya? aur taqaza"e Mohabbat kiya hain?

haddoo ki sarhadein kiya hain?

Phir inn ke paar jane ka sabab kiya hai?

deyhan-o- bedeyhani mai,

Tumhaari bheegti baatoo ki nadiya ki rawani mai,

Kahani hi kahani mai,..........

Agar bejadah-o- manzil,

Koi khawahish diloo ki kookh mai paida hui toh......

Kaun dekhe ga? hamare naam ki sachae ko,

Aur khawahishoo ke benasb mehtaab chehroo ko?

Abhi tehro.......Abhi khuch din lageinge.

Rishta-e- benaam ko hum naam karne mai,

Kahani ki kisi aaghaz se anjaam karne mai,

Kahi izhaar karne mai,

Kahi Iqraar karne mai,

Abhi tehro.....

Abhi khuch din lagein ge.

Main aur meri tanhai

Main aur meri tanhai

Aksar ye batein karte hain

Tum hoti to kaisa hota

tu yeh kahti, tum woh kahti

Tum is baat pe hairan hoti

tum us baat pe kitni hasti

tum hoti to aisa hota, tum hoti to waisa hota

Main aur meri tanhai ,aksar yeh baten karte hain

Yeh raat hai ya teri julfe khuli hui hai chandani,
ya tumhari nazron se meri raatein dhooli hui hain

Yeh chand hai ya tumhara kangan

sitarain hain ya tumhara aanchal

Hawa ka jhoka hai, ya tumhare badan ki khusboo

Yeh pattiyon ki hai sarsarahat, ki tumne chupke se kuch kaha hai

Yeh sochta hoon main kabse gumsum

jabki mujhko bhi yeh khabar hai

Ki tum nahi ho, kahin nahi ho

Margar yeh dil hai ki kah raha hai

ki tum yahin ho, yahin kahin ho............

Mujhay Aksar Yeh Kehti Thi

Mujhay Aksar Yeh Kehti Thi,"Mohabbat Kuch Nahin Hoti" 

Hijr Ka Khauf Bay Matlab, Wsal Ke Khwab Bay Manay?
Koi Soorat Nigahon Main Kahan Din Raat Rehti Hai?
Yeh Aansoo, Be-zuban Aansoo Bhala Kya Bol Saktay Hain?
Kahan Dil Main Kissi Ki Yaad Se Toofaan Uthtay Hain?
Kahan Palkon Kay Saaey Main Nami Din Raat Rehti Hai?
Kahan Hoti Hain Woh Aankhain, Jahan Barsaat Rehti Hai? 

Magar Aaj Barson Ke Baad, Ussay Dekha To Kya Dekha ?
Keh Uski Jheel Aankhon Main Hijr Ka Dard Rehta Hai
Wasl Kay Khwab Rehtay Hain, Wahan Barsaat Rehti Hai
Yun Lagta Hai, Kai Raton Se Woh Soi Nahin Shayad'
Yun Lagta Hai Kisi Ki Yaad Ab Din Raat Rehti Hai'
Aur Uski Narm Palkon Kay Haseen Saaey Bhi Geelay Hain
Aur Uski Khamshi Aisi Keh Jis Main Baat Rehti Hai'
Woh Mujh Se Yeh Nahin Boli,"Mohabbat Kuch Nahin Hoti"
Keh Ab Shayed Mohabbat Ki Woh Sab Ramzon Se Waqif Hai .......

edhar bhi hai udhar bhi

Majboor yeh haalat edhar bhi hai udhar bhi

Tanhai ki ek raat edhar bhi hai udhar bhi

Kahne ko bahut kuch hai magar kisse kahain hum

Kab tak yuhin khamosh rahein aur sahe hum

Dil kahta hai duniya ki har ek rasm utha dein

Deewar jo hum dono mein hai aaj gira dein

Kyun dil mein sulagte rahain, logo ko bata dein

HAN HUMKO MOHABBAT HAI, MOHABBAT HAI, MOHABBAT!

Aub dil mein yahi baat edhar bhi hai udhar bhi..............

Kahan sai Laoon

bilaktee rooti karhati hoee iss duniya mai
tumhee bataoo khushioon bharay jazbat kahan sai laoon

jaa baja bhook aur iflaas ki soorat mai qazaa phirtee hai
hansna chahtee hoon magar hansnay kai halaat kahan sai laaon

soona soona sa lagta hai zamana saara
roshan roshan sai voh din raat kahan sai laaon

bain karta hai koee dil kai neha khanoo'n mai
jo mairay dil ko hansaa dai mai voh baat kahan sai laaon

andheri raahon mai maray na jaain dil vaalay
zulm kai jabar mai taaron bharee raat kahan sai laaon

tum yeh chahtay ho shab-o-roz musarrat sai guzaray jaain
tum hee bataao jhontee khushioon ki saughaat kahan sai laaon

Pani ki lehroon pe kia likh raha tha

wo pani ki lehroon pe kia likh raha tha

khuda janey kia harf-e-dua likh raha tha

likha jisney navil wafa ka adhora

wohi pyar ki inteha likh raha tha

bhala kertey kertey hi guzri jawani

mugar phir bhi khud ko bura likh raha tha

mohabbat men nafrat milli thi usey

jo her shaks ko bewafa likh raha tha

zara us ki aankhon se aansoo na nikley

wo jis waqt lafz-e- saza likh raha tha

namaz-e-mahhabat men wo apni

hoye the jo sajdey Qaz'za likh raha tha

Hame Mana Lena

Hame Aaker Mana Lena kisi Bhi Kaam Se Pehle
Udasi Thehir Jati Hai Tumhare Naam Se Pehle
Kahan Bichra Huwa koi Safar Ke Baad Milta Hai
Hame Mil Kar Hi Jana Tum Safar Ki Shaam Se Pehle

Meri Aankhon Ko Teri Ungliyon Ki Araam Aadat Hai
Ye Aankhen So Hi Jati Thin Barey Aaram Se Pehle
Teri Aankhon Ko Dekha To Faqt itna Khayal Aaya
Guzara Kis Tarah Jeewan Salone Jaam Se Pehle

Dilon Mein Phool Khilte Hein Tumhare Naam Se Pehle
Lahoo Mein Deep Jaltey Hein Tumharey Naam Se Pehle
Dilon Ki Jagmagati Bastiyan Aitraz karti Hein
Wuhi Jo Log Lagte Hein Nihayat Aam Se Pehle

Huwa Hai Wo Agar Munsif, To " Amjad " ehtiyatan Hum
Saza Tajweez Kartey Hein Kisi Anjam Se Pehle
Hame Aaker Mana Lena kisi Bhi Kaam Se Pehle
Udasi Thehir Jati Hai Tumhare Naam Se Pehle

Jal jaate hain

garmii-e-hasarat-e-naakaam se jal jaate hain
ham charaaGo.n kii tarah shaam se jal jaate hain

bach nikalate hain agar aatih-e-sayyaad se ham
sholaa-e-aatish-e-gulafaam se jal jaate hain

Khudanumaa_ii to nahii.n shevaa-e-arabaab-e-vafaa
jin ko jalanaa ho vo aaraaam se jal jaate hain

shamaa jis aag mein jalatii hai numaa_ish ke liye
ham usii aag mein gumanaam se jal jaate hain

jab bhii aataa hai meraa naam tere naam ke saath
jaane kyuu.N log mere naam se jal jaate hain

rabtaa baaham pe hamen kyaa na nahenge dushman
aashanaa jab tere paiGaam se jal jaataa hai 

Naam rakh diyaa

duniyaa ne ham pe jab ko_ii ilzaam rakh diyaa
ham ne muqaabil us ke teraa naam rakh diyaa

ik Khaas had pe aa ga_ii jab terii beruKhii
naam us kaa ham ne gardish-e-ayyaam rakh diyaa

mai.n la.D_kha.Daa rahaa huu.N tujhe dekh-dekh kar
tuune to mere saamane ik jaam rakh diyaa

kitanaa sitam_zariif hai vo saahib-e-jamaal
us ne diyaa jalaa ke lab-e-baam rakh diyaa

insaan aur dekhe baGair us ko maan le
ik Khauf kaa bashar ne Khudaa naam rakh diyaa

ab jis ke jii me.n aaye vahii paaye raushanii
ham ne to dil jalaa ke sar-e-aam rakh diyaa

kyaa masalahat_shanaas thaa vo aadamii 'Qateel'
majabuuriyo.n kaa jis ne vafaa naam rakh diyaa

Sitaro tum to so jao

preshan raat sari hei, Sitaro tum to so jao
sakoot e marg tari hei, sitaro tum to so jao

hanso aur hanstay hanstay doob jao khayalon mein
hamain yeh raat bhari hei, sitaro tum to so jao

tumhein kia aaj bhi koi agar milnay nahi aya
yeh bazi ham nay hari hei, sitaro tum to so jao

kahay jatay ho ro ro kay hamara haal duniya say
yeh kesi raaz dari hei, sitaro tum to so jao

hamain to aaj key shab po phatnay tak jagna hei
yehi kismat hamari hei, sitaro tum to so jao

hamein bhi neend a jayee ge, ham bhi so he jayeen gay
abhi kuch beqaraari hei, sitaro tum to so jao

jindgi se rutho na

bas karo jindgi se rutho na

laut aao ke mujhse chhuto na

mujhme ehsas kahi tere abhi jinda hai

mujhme har baat abhi tere kahi jinda hai

ab bhi mai bas tumhari khatir hun

ab bhi mai bas tumhi se jinda hun

ab mere naam ko kuchh naam n do

ab meri hasti ko anjam to do

kab talak yu hi bhatakta rahunga mai bolo

meri raho ko ek majil mere kadmo ko ek mukam to do

thak chuka hun mai bahot jiyada hi

mile suku mujhe bhi k ek panah to do

gam jamane k ho gaye tere

aur khushi teri bani gam mere

apne gam mujhko de do aur meri khushiya le lo

mai bhi ji loonga do lamha mere naam to ho

koi ranj nahi

ab mujhe meri kahani se koi ranj nahi

ab nigaho me meri mujhko koi tanj nahi

ab mai sahraa me rahu ya ho shehar

ab hai manjil meri ya k safar

dur tujhse rahu mai k safar karta hun

par tu rahe ,tu hi manjil aur safar tu mera

kab mai tha tera hu kab mai tera

mai teri raat tha, khab sawera tha tera

kab tu mera hai , mai kab hun tera

mai teri raat tha, par tu sawera hai mera

ai mere dsot mujhe apna bana ya n bana

mai to tera tha tera hun rahunga mai tera

mai tera gam tha, tu khushi hai mera

mai to tha dushman par tu sanam hai mera

mai tha bas zakhm tera par tu marham hai mera

mai teri yu hi kahi baat par tu kasam hai mera

ai mere yaar mujhe apna samjh ya n samajh

tu mera tha..... tu mera hai  aur rahega mera

kab mai darta tha,  magar drta tha

kab tha khamosh, magar rahta tha

kab sahaa maine, magar sahta tha

kab kaha maine, magar kahta tha

meri khamoshi hi awaj ban n jaye kahi

bas isi dar se mai awaj tak badlta rehta tha

Hamara imtehan le lo

Hamein tum se mohabbat hai, hamara imtihaan le lo,
Agar chaho to dil le lo, agar chaho to jaan le lo.
Hamein tum bhool mat jaana, ye ik faryaad karte hein,
Wafa ki shart se bhi hum tumein, azaad karte hein,
Zubaan bhi hum na kholeinge, yeh tum hum se zubaan le lo.
Hum apni jaan de kar bhi, mohabbat ka bharam rakh lein,
Tumhare dil pe koi bhojh ho, to sar pe hum rakh lein,
Khizaan ke ghum hamein de do, bahaaron ka sama le lo.
Zamaana kuchh nahin hai, sirf ik rangeen dhoka hai,
Tumhare pyaar pe lekin, hamein poora bharosa hai,
Zara si dil mein bas de do, jagah, saara jhaan le lo.
Hamein tum se mohabbat hai, hamara imtihaan le lo.

hijr kii pahalii shaam

hijr kii pahalii shaam ke saaye duur ufaq tak chhaaye the
ham jab us ke shahar se nikale sab raaste sanvalaaye the

jaane vo kyaa soch rahaa thaa apane dil mein saarii raat
pyaar kii baaten karate karate us ke nain bhar aaye the

mere andar chalii thii aandhii Thiik usii din patajhad kii
jis din apane juude mein usane kuchh phuul sajaaye the

usane kitane pyaar se apanaa kufr diyaa nazaraane me.n
ham apane iimaan kaa saudaa jis se karane aaye the

kaise jaatii mere badan se biite lamhon kii Khushbuu
Khvaabon kii us bastii mein kuchh phuul mere ham-saaye the

kaisaa pyaaraa manzar thaa jab dekh ke apane saathii ko
pedh pe baiThii ik chidiyaa ne apane par phailaaye the

ruKhsat ke din bhiigii aankho.n us kaa vo kahanaa haa_e "Qateel"
tum ko lauT hii jaanaa thaa to is nagarii kyuu.N aaye the

Yaad aya

dil hi jungle hogaya
sunnatta bas rehta hai
kaise ishara kerta vo
khud se bhi derta hai

saare zakhm zamane se nahi
kuch ulfatoun se bhi mile
armanon ke diye bujha ker
dil bas chup chaap jale

jo tera sach vo mera sach
rona isi baat pe aaya
her ehsas ke saath hi tu
hum ko kitna yaad aaya

shehnaii ki dhun jab bhi suni
lutne ka tamasha yaad aaya
zind teri mujh se alag nahi
her lamha vo laasha yaad aaya

merey wajood ka ehsaas dilaney waley

Mujhey merey wajood ka ehsaas dilaney waley

Aana hai kabhi to merey dil mein aa

Meri nas nas mein pyaas jaganey waley

Bujhana hai kabhi to merey dil ki pyaas bujha

Apney surur ki masti mujh mein samaney waley

Pymanay e ulfat bankar kabhi meri ankhon mein sama

Meri janmon ki udasi pal mein mitaney waley

Apney saarey gham kabhi merey siney say laga

Vo deewangi ka aalam mujh mein basaney waley

Mera deewanapan kabhi apney dil mein basa

Dabi har aarzoo ko shoala bananey waley

Taptey sehra key liye kabhi to shabnam banja

Merey weeranion mein kaliyaan khilaney waley

Kya yeh dil ki lagi dillagi hai kabhi tu hi bata

Gar yeh meri parakh thi mujhey aazmaney waley

Chaand haar kar bhi kabhi paayengey jeet ka nasha

khamosh dil jalata hai

bas mere naam k sath wo naam apna likhta hai

meri muhhabbat ko wo iljam yahi likhta hai

wo nahi kehta hai mujhse kuchh bhi

bas wo gin gin k jafaye meri likhta hai

jab bhi milta hai bas wo yaar hanse jata hai

khud pe hasta hai ya hampe bas yahi baat wo chhupata hai

ruthta wo nahi aur n hi wo manata hai

bas wo gam mere bade chupke se apni palko se baha jata hai

bhid me wo nahi aata milne,dekh k hamko gujar jata hai

bade chupke se magar jane kyu meri tanhai sajata hai

meri yaado ko apne naam kiye yaar wo tanha jiye jata hai

ek kadam rakhta hun mai age uske do kadam pichhe wo hat jata hai

ai mere chahne wala tu bata rista hai kya jo tu nibhata hai

mere gam sare tere naam kiye, kyun yu khamosh dil jalata hai.....

dekhaa hua saa kuchh

dekhaa huaa saa kuchh hai to sochaa huaa saa kuchh

har vaqt mere saath hai ulajhaa huaa saa kuchh

hotaa hai youn bhii raastaa khulataa nahi kahee'n

jangal-saa phail jaataa hai khoyaa huaa saa kuchh

saahil kii geeli ret par bachoo'n ke khel-saa

har lamhaa mujh mainn banata bikharta hua sa kuch

fursat ne aaj ghar ko sajaayaa kuchh is tarah

har shay se muskuraataa hai rotaa huaa saa kuchh

dhundhlii sii ek yaad kisii qabr kaa diyaa

aur mere aas-paas chamkataa huaa saa kuchh

kis sey karun…

tumharey rah badalney ki baat kis sey karun
main apney khaab bhikharney ki baat kis sey karun

abhi woh jaan-e-ghazal duor hai nighahoon sey
abhi main jaan sey guzarney ki baatv kis sey karun

abhi toh hijr ki tareekiyan hain dono tafar
abhi main chaand nikalney ki baat kis sey karun ?

abhi toh ghammoon sey nidhaal hain sabhi
abi main tery bicharneyki baat kis sey karun ?

meri judaii ki ghaam  koi bhi nehi suunta
tumharey baad sulaghney ki baat kis sey karun ?

kisey baataun k tujhy kahaan kahaan nehi dhunda
nagar nagar mein bhatakney ki baat kis sey karun ?

teri talab mein yeh beichaain ab bhi rehta hai
main apney dil k machalney ki baat kis sey karun……!!!!!

apna kabhi keh n sake

gujarte raah ko ham apna kabhi keh n sake

mili panah ko ham apna kabhi keh n sake

gujar rahi hai jo wo bhi hai zindgi hi magar

ham apni lash ko bhi apna kabhi keh n sake

kuchh aise naam likhe hai hamari sanso pe

ham ek sans ko bhi apna kabhi keh n sake

tumhare naam k hakdar itne fitne hai

tumhare naam ko ham apna kabhi keh n sake

azib baat hai k tu hame apna sa lage jane kyu

ham aapni jaat ko bhi apna kabhi keh n sake

tumse mil kar yakin aaya apne hone ka

tumse pehle ham apne naam ko bhi apna kabhi keh n sake

shikaayat nahi hai koi zindagi se.....

ye sheeshe, ye sapne, ye rishte, ye dhaage,
kise kya khabar hai kahaan toot jaayein,
mohabbat ke dariyaa mein tinkey wafaa ke,
na jaane ye kis mod par doob jaayein...

ajab dil kee bastee, ajab dil kee vaadee,
har ek mod, mausam nayee khwaahishon ka, 

lagaaye hain humne bhi sapno ke paudhey,
magar kya bharosa yahaan baarishon ka,

muradon kee manzil ke sapno mein khoye,
mohabbat kee raahon pe hum chal paDe thhey,
zara duur chal ke jub aankh khuli to,
kaDi dhoop mein hum akele khaDe thhey,

jinhe dil se chaaha, jinhe dil se pooja,
nazar aa rahe hain wohi ajnabi se,
rawaayat hai shaayad ye sadiyon purani,
shikaayat nahi hai koi zindagi se.....

kabhi kuchh nahi badlaa

merey chehrey sey merey dil ko shikayat hai bahot

wo andar chup nahi rehta ye bahar kuchh nahi kehta

wo kehtey hai loota dun unpey mai ankho ka ye sagar

magar mai kya karu ankho sey merey kuchh nahi behta

na samjha husn ashik kyu kabhi bhi kuchh nahi kehta

umadati aati hai nadiya kyu sagar kuchh nahi kehta

wo ab bhi ek taleef mein bas tanha jiye jaye hai

ye kehtey hai sabhi par sath koi kyu nahi rehta

agarchey adami mumkin na ho tujhsey kuchh bhi

to behtar hai , tu kyu chup bhi nahi rehta

aksh apni badal k dekh lein apni nazar k ainey mein

badalati duniya mein kyu kabhi kuchh nahi badlaa

Addat ho gai hai

bina dard ke khud ab sambhal na sakun
khud mein hi rone ki aadat ho gayi hai
 

woh aa bhi jaye toh lagega ab ajnabi
khwaabon mein hi unhe dekhne ki aadat ho gayi hai

na khabar hoti hai mujhko raat din k

aandheron mein hi rehne ki aadat ho gayi hai

na dhoondein ab tujhko meri yeh nazrein 

bheed mein khone ki aadat ho gayi hai
 

tha jo pehle tere ishq ka junoon  

ab usi junoon se dard sehne ki aadat ho gayi hai

ab tak kisi ko mere haal-e-dil ka pata na chala 

ke HUM ko chup rehne ki aadat ho gayi hai.

Aaj mere

Aaj mai duniya may tanha sahi

Kal sara jahan mere saath tha

Aaj meri manzil koyi nahi

Kal har raasta mere paas tha

Aaj mere dil ki koyi kheemat nahi

Kal har jazba mera khaas tha

Aaj waqt mere bas may nahi

Kal har faisla mere haath tha

Aaj mera rangon sey khaali magar

Kal mera jahan mohabbat ki barsat tha

Aaj jo miljaye vada mehaboob ka

Kal chaand uska sitam saughat tha

Khamoshi gumnaam hai mujhme.

Khamoshi gumnaam hai mujhme
khaab ka koi aant nahiN,
Khoya kya ye dhoondh rahe hain
Kuch paane ka hai iilm nahiN..

Sannata bhi chup lagta hai
Raat magar sunsaan nahiN,
Goonj rahiN dheron awaazeN
Labjon ka bhi anumaan nahiN..

Kya hai tamanna jiski khatir
Bechain bhi hain aur chain nahiN,
Saoo raasteN hain chalte jane ko
par jante hain koi anjaam nahiN...

Bas pankh lage aur udd jati hai
rukne ka fir naam nahiN,
ye soch hai sirf,ya fir hai tamnna
ye jaan sake, aasaan nahiN,

Kab tak jhunjhlate deewano se
Behke behke firte yun rahen,
Jab tak samjhenge kyon haiN pareshaaN
Thehar na jaaeN armaan kahiN.....

Hasti

wo mere gam kar raha tha kam kuchh

mai uske gam kuchh badha raha tha

wo khushiya meri badha raha tha

mai uske gam kuchh badhaa raha tha

wo ban k manzil meri barha sada apni suna raha tha

mai apni gardish ki tang raahe bade suku se nibhaa raha tha

samjh raha tha mai sari baate

magar mai najre chura raha tha

sanam wo mera khuda raha tha

magar mai us se juda raha tha

wo meri hasrat me har kadam par

nishan apne laga raha tha

pahoch n jaye kahi wo mujh tak

mai mud k nisha kadam k mita raha tha

wo meri hasti pe mar mita tha

mai uski hasti ko bacha raha tha

Main

itni hai ghar me diware
darwaje ko bhul gaya hun

itni diwaro me ghir k khada hun
raho se milna bhul gaya hun

itni thoker hai khayi maine
mai chalna hi bhul gaya hun

itni bar gira najaro se
mai uthna hi bhul gaya hun

itni nafarat payi maine
pyar hi karna bhul gaya hun

itni baar bada hai mitna
mai jina hi bhul gaya hun

safar hue kuchh itne jaya
safar mai karna bhul gaya hun

tuta hai dil itni baar
bhul gaya mai sare yaar

rishte nato ka thukraya
apna paraya bhul gaya hun

jinko muhhabbat me rab mana
jinki jafa ne kiya diwana

aaj wahi kehte hai hamse
hosh me rehna bhul gaya hun

itne gam itni tanhai
itni hasrat aur ruswai

itni kadwi yade payi
mai apna kal bhul gaya hun

gili lakdi, aag ,dhua
duniya , mai , aur mera khala

kuchh aise sulga sa jiya mai
k mai jalna bhul gaya hun

kyu rota hai yaar mere
hua hai ye kya pehli baar

itna pada hai khona mujhko
hasil karna bhul gaya hun

har haq pe kuchh jang naye
har pal k ye rang naye

kuchh aise khatro me jiya hun
k mai darna bhul gaya hun

Bas itni hi hai baat

itni hi hai baat k mere sath tu nahi
aisa nahi lekin k tere baad tu nahi

gujrenge kabhi jab ham us raah se tere
tujhko sallam denge k fariyad tu nahi

ham ho sake aabad nahi iska gam nahi
gam hai k mere baad bhi aabad tu nahi

apni manaye khair k maula ki raah ham
teri manaye khair k mere raah tu nahi

rab ashikon k ham pe mehrba hue shayed
ham hai nahi aabad aur barbaad tu nahi

itni hi hai hasrat k kare tu kubul pyar
gam iska nahi ham kubul yaar kyu nahi

gairo ki harkato pe lab o jumbishe teri
ek apni hi kismat ki tarafdaar tu nahi

apni kusus zindgi safar dar safar badar
mere safar me teri koi raah kyu nahi

sanso pe tera naam hai wo bhi gunah tar
jitey hai magar jinda ham yaar kyu nahi

janey khuda ya janey tu ya janey sitamgar
kabil tere sitam k ham hi yaar kyu nahi

Wakt

waqt kehta nahi mujhse kabhi kuchh
aur mai uski kabhi sunta bhi nahi

waqt rukta nahi kabhi mere liye
aur mai uske liye kabhi thehrta bhi nahi

waqk ki gardish k andaj ajab
waqt hi samjhe waqt hi jane

waqt samjhayega mujhe fursat se
itni jaldi to mai kuchh samjhta bhi nahi

waqt k sath badal lete hai shakle
sach bhi aur jhuth bhi

mere sach aur jhuth ko samjhe waqt
asliyat sach aur jhuth ki mujhe pata bhi nahi

waqt ka sath mujhe bhata nahi
chalta hun mai uske aage ya pichhe

waqt kehta hai kambakht mujhe
aur isme meri khata bhi nahi

waqt samjhe hai khud ko mashuk mera
aur kehta hai bewfa mehbub mujhe

ye jawa e waqt ye andaj e waqt haye tauba
haseen waqt ko mai kabhi apna samjhta bhi nahi