Titliyon ko pakarna uski adat thi

Titliyon ko pakarna uski adat thi
Har ak se milna uski adat thi

Wo jisko tanhai se dar lagta tha
Magar tanhai mein rehna oski adat thi

Wo ek aanso girnay par Khafa hota
jisay tanhai mein ronay ki adat thi

Hameshan mafi mangane ki gharz se
Roz nayi Galtiyan karna uski adat thi

Wo jo Dil-o-jaan Nichawar karta tha muj par
Magar choti si baat pe ruthna uski adat thi

Hum us k sath chal diye ye jantay howe bhi
Rah mein mu mod na us ki adat thi….

Tumhe jab kabi milain furstain

Tumhe jab kabi milain furstain 

mere dil se bhoj utar do,
Main bohat dinon se udas hon 

mujhe koi sham udhar do,
Mujhe apne roop ki dhop do 

ke chamak sakain mere khal-o-khad,
Mujhe apne rang main rang do 

mere sare zang utar do,
Kisi aur ko mere haal se 

na garz ha koi na wasta,
Main bikhr gya hon smait lo, 

main bigad gya hon sanwar do,
Meri wehshton ko badha dya hai 

jodaion k azab ne,
Mere dil pe haath rakho zara 

meri dadhknon ko qrar do,
Tumhe subhu kaisi lagi, kaho, 

meri khawahshon k dyar ki,
Jo bhali lagi to yahi raho, 

ise chahton se nikhar do,
Wahan ghar main kon ha muntzar

k ho fikar dair sawair ki,
Badi mukhtsar si ye raat hai 

isi chandni main guzar do,
Koi baat krni ha chand se 

kisi shakhsar ki oot main,
Mujhe raste main yahin kahin 

kisi kunj gul main utar do....

Ay Moj-e-Hawa too hi bata

Ay Moj-e-Hawa too hi bata

Who yaar hamara kesa hai

Jo bhool chukka hay kab say hamay

Who jaan say pyara kesa hai

Kya us kay jeevan lamhon main

Koi lamha mera baqi hai

Kya us ki jagti aankhon main

Meri yaad abhi bhi baqi hai

Agar aisa nhi to too hi bata

Ham yaad usay Q kartay hain

Ham say bichar kay khush hai agar

To pal pal ham Q martay hain

Apna to raviyyaa

apna to raviyyaa hai yeh guftaar sey pehlay

saabit karo talqeen ko kirdaar sey pehlay

poocho to zara haal bhi beemaar sey pehlay

dil ko na qaraar aaigaa deedaar sey pehlay

insaan ki tehzeeb ki taareekh gavaah hai

fojain bhi kabhi haari hain salaar sey pehlay

kiaa yaad ho iss umr main tarteeb dinon ki

Mangal bhi to aajata hai Itwaar sey pehlay

azbar thay usay pagrhi kay aadaab hain jitnay

sar dainay peh raazi tha joh dastaar sey pehlay

tai ki mairay qadmon nay tasuvver ki musaafat

manzil peh hoon ponhcha huva raftaar sey pehlay

khush ho to faqeeron ka tamaskhur na urhaao

tum bhi to nazar aatai thay baizaar sey pehlay

daanaaii hai is qawl main hikmat bhi bohat hai

tolo to zara baat ko guftaar sey pehlay

tameer main tarteeb bhi aajaa'y to achaa

kia dar bhi bana karta hai deewaar sey pehlay

waaiz yeh kahay jurm hai nazron ki khayaanat

poocho to kabhi guzra hai baazaar sey pehlay

mayoos na ho waqt guzar jaaiga yeh bhi

achchay bhi to din aa'y thay aazaar sey pehlay

aisa to na tha dil kabhi mahroom-e-mohabbat

apni bhi mulaqaat thi doa-chaar sey pehlay

kut jaaingain yeh haat joh banjaaiga madfun

yeh baat to tai karni thi mamaar sey pehlay

qazi tairay insaaf sey yeh mujh ko gilaa hai

pakrhay hai yeh masoom gunahgaar sey pehlay

Fazil to naheen likkhaiga shaahon ki hikaayat

turbut isay manzoor hai darbaar sey pehlay

Hamarey saath rehnay dou

Hamara dil sawairey ka sunehri jaam hojayey

charaghoun ki tarah aankhain jalain jub shaam hojayey,

kabhi to aasmaan say chaand utray jaam hojayey

tumhaarey naam ki ik khoobsoorat shaam hojayey ,

ajab halaat thay yoon dil ka sauda hogaya aakhir

mohabbat ki haweli jis tarah neelaam hojayey ,

samandar k safar main is tarah aawaaz day humko

hawayain taiz houn or kashtiyoun main shaam hojayey ,

mujhay maloom hay uska thikaana phir kahan hoga

parinda aasmaan chooney main jub nakaam hojayey ,

ujaaley apni yaadoun k hamarey saath rehnay dou

najaaney kis gali main zindagi ki shaam hojayey....!!

Tere Jaaney K Baad

Tere Jaaney K Baad Usi Ne Mujhey Sahara Diya,
Yoon To Bahut Dost Baney Magar
Na Jaaney Kyon Meiney Usi Ka Saath Diya.
Tu To Mujhey Beech Zindgi Ki Rahaa Mein Chod Gayi,
Kya Bataoon Tujhey Ki Tu Kya Pichey Chod Gayi !

Pahley Darta Thaa Mein Us Say Milney Se Bhi,
Darta Tha Ki Kahin Us Say Mujhey Pyaar Na Ho Jaye !
Magar Kambakht Yeh Dil Hey,
Kya Karein Kisi Na Kisi Ko Apney Saath Rakhna Chaata Heey Hey !

Kal Raat Baat Nikali Zindgi Ki Us Say To Tumhara Bhi Zikar Ho Hee Gaya !

Abh Sochta Hoon Ki Jab Usey Bhi Tumhara Naam Maalum Hey
To Tumhey Bhi Us Say Milwa Hee Doon !

Woh Kuch Aeisee Si Hey, Ki Woh Bhut Pyaari Si Hey!
Saari Baatein Badey Hee Pyaar Say Woh Merin Sunti Hey !
Magar Na Jaaney Kyon Itna Saath Rehti Hey MereY
Phir Bhi Mujhe Say Kuch Kehti Nahin!
Kuch Na Kuch Sochti Hee Rehti Hey !

Uska Naam Abhi Bhi Mujhey Achey Say Yaad Nahin!
Magar Apney App Ko Woh Shayad TANHAYI Kehti Hey !

Rakhta Hai Mujhe Thaam Kar

Rakhta Hai Mujhe Thaam Kar, Girney Nahein Deyta
Mein Toot Bhi Jaayoun Tou Bikharney Nahein Deyta

Iss Darr Se Kay Kahein Kaanta Na Chubh Jaaye Haath Mein
Woh Phool Bhi Mujh Ko Pakarney Nahein Deyta

Woh Iss Qadar Hasaas Hai Mohabbat Mein Meri
Koi Gham Seenay Mein Woh Palney Nahein Deyta

Jis Raat Ki Taariqi Se Aata Hai Mujhe Khuaf
Uss Din Ko Woh Phir Raat Mein Dhalney Nahein Deyta

BABA GURIYA LAA DO NA

BABA GURIYA LAA DO NA

baithi hay woh intezaar main saipahar se

maa kab aayenge baba pochay betabi se

khilay masoom chehra baba ki dastak se

daur ker lipat jaaye baba ki taangoon se

masoom andaz main kaha apnay baba se

BABA GURIYA LAA DO NA

baba usko gaud main utha kar muskarata hai

bari mohabbat se beti ko apni bosa deta hai

seenay se apnay chimta ke woh yeh kehta hai

aaj bohat thak gya beta or kal pe taal deta hai

sun k beti ki yeh fariyaad woh aah bharta hai

BABA GURIYA LAA DO NA

baad iss ke jaye woh khailnay apni sehliyon se

sajaaye doosroon ki guriya ko iss umeed se

banaongii dulhan guriya ko apni kal piyar se

karay widaayi guriya ki woh num ankhoon se

aur mun mun main woh kahe bari hasrat se

BABA GURIYA LAA DO NA

aa ke ghar baithe maa ki aagosh main laad se

maa khaanaa khilaaye uss ko baray piyar se

kuch sooch ker munh phairay woh khanay se

khaongi khana saath guriya ke kahai maa se

jaa k phir masoom si zid karay apnay baba se

BABA GURIYA LAA DO NA

dekh na paaye beti aansoon ko chupata hai

dil k andar hi apni ahaon ka gala dabata hai

or muskarati ankhoon se beti ko manata hai

apnay hathon se phir usko khana khilata hai

kuch yonhi beti ko iss zid se chup karata hai

BABA GURIYA LAA DO NA

baba uss ka jab raat ko soonay jaata hai

beti ko woh apnay seenay pe sulaata hai

bund ankhoon se apne kal ko sochta hai

anginat zarooratoon main woh khoota hai

soch ke beti ki yeh fariyaad woh roota hai

BABA GURIYA LAA DO NA

bas ab yeh qalam bhi haara chuka iss gurbat se

hay lub-e-Aman pe bas yeh ek dua ALLAH se

na rahaIn hasratain zindagi main nayi subah se

yeh bachi khaile sang sehliyon ke guriya se

phir kabhi yeh bachi kah na sakay apnai baba se

BABA GURIYA LAA DO NA

BABA GURIYA LAA DO NA

Kahin Say Aajao

Aajeeb Shaam khari hay Kahin Say Aajao
Bari Uddas Ghari Hay Kahhin Say Aajao

Kissi Say Milna So Miltay Hi Pher BiChar Jana
Saza Yai Itni Bari Hay Kahin Say Aajao

Bohat Kathan Hay mEray Dost Hijer Ka MOsam
Judai Bol Pari Hay Kahin Say Aajao

Zamana Jiss Ko Samajhta Hay Motiyon ki Chamak
Wo Aasoon Ki Ladi Hay KAhin Say Aajaoo

Humne kuch Is tarha Mohabbat Ki hai

Humne kuch Is tarha Mohabbat Ki hai ke,
Mohabbat mein Tumhari parstish Ki hai,

Tumhare bagair Zindagi ki Koi tasweer nahi,
Maine kuch is tarha Se Tumhari tamanna Ki hai,

Hamare darmiyan Hi rahe Sadiyo Ki Khamoshiya,
Maine TumSe Kuch is tarha Guftugu Ki hai,

mere Dil mein bas Jao Tum Ruh e Mohabbat bankar,
Maine Dil Ki geherai Se ye Ilteja Ki hai,
 
Tumhare Milne Se pehle main Khud Se naashna Tha,
Samjha Hai Pyar Ko jab Se Mohabbat ki hai,
 
Meri Zindagi Ki Khushiya TumSe Hi Hai Wabasta,
Maine rab Se Tumhe paane Ki Dua Ki hai,

Main Tumhe Chheen Lunga Duniya Ki rasmon Se,
Maine Tumhare Liye Zamane Se Bagawat Ki hai..!!!

Main ne puuchaa

main ne puuchaa pahalaa patthar mujh par kaun uthaayegaa
aaii ik aavaaz ki tuu jis kaa mohasin kahalaayegaa

puuchh sake to puuchhe koii ruth ke jaane vaalon se
roshaniyon ko mere ghar kaa rastaa kaun bataayegaa

logo mere saath chalo tum jo kuchh hai vo aage hai
piichhe mud kar dekhane vaalaa patthar kaa ho jaayegaa

din me hansa kar milane vaale chehare saaf bataate hain
ek bhayaanak sapanaa mujh ko saarii raat Daraayegaa

mere baad vafaa kaa dhokaa aur kisii se mat karanaa
gaalii degii duniyaa tujh ko sar meraa jhuk jaayegaa

suukh ga_ii jab in aankhon mein pyaar kii niilii jhiil 'Qateel'
tere dard kaa zard samandar kaahe shor machaayegaa....

Tum sham hone do

Main title ko sula do ga zara tum sham hone do

Main jugno ko jaga dun ga zara tum sham hone do,

Kaha aghaz hota hai kahan ajnam jota hai

Huner saray sikha don ga zara tum sham hone do,

Mujhe itni mohabbat hai k sada se lafzon main

Tumhen dilkash bana don ga zara tum sham hone do,

Meri namnaak ankhon ko na dekho tum hakarat se

Main tum ko bhi rula don ga zara tum sham hone do,

Mujhse tum ne poocha hai kahan hogi tumhari sham

Jahan hogi bata don ga zara tum sham hone do!!!!

kuchh is adaa se

kuchh is adaa se aaj vo pahaluu-nashin rahe

jab tak hamaare paas rahe ham nahin rahe

iimaan-e-kufr aur na duniyaaa va din rahe

ai ishq shaadabaash ki tanahaa hamin rahe

yaa rab kisii ke raaz-e-mohabbat kii Khair ho

dast-e-junuu.N rahe na rahe aastin rahe

jaa aur koii zabt kii duniyaa talaash kar

ai ishq ham to ab tere qaabil nahin rahe

mujh ko nahii.n qubuul do aalam kii vus'ate.n

qismat mein kuu-e-yaar kii do Gaz zamin rahe

dard-e-Gam-e-firaaq ke ye saKht marahale

hairan huu.N mai.n ki phir bhii tum itane hasin rahe

is ishq kii talaafii-e-maafaat dekhanaa

rone kii hasaraten hain jab aansuu nahin rahe

Koi saathi ho...

Dayar-e-noor main tira shaboon ka sathi ho…
Koi to ho jo meri wehshaton ka saathi ho…..

Main us se jhoot bhi boloon to mujh se sach bolay…
Meray mizaj k sab mosmoon ka saathi ho….

Wo mere naam ki nisbat se moutbir thehray….
Gali gali meri ruswaiyoon ka saathi ho…..

Main us k haath na aaoon wo mera ho k rahay…
Main gir parooon to meri pastiyooon ka sathi ho….

Wo khawab dekhay to dekhay mere hawalay se….
Mere khiyaal k sab manzaroon ka saathi ho….

unke aane se qabl unke jaane ke baad

vo savaa yaad aaye bhulaane ke baad
zindagii baDh gaii zeher khaane ke baad

dil sulagataa rahaa aashiyaane ke baad
aag thanDii huii ik zamaane ke baad

raushanii ke liye ghar jalaanaa paDaa
kaisii zulmat baDhii tere jaane ke baad

jab na kuchh ban paDaa arz-e-Gam kaa javaab
vo Khafaa ho gaye muskuraane ke baad
 

dushmanon se pashemaaaN honaa paDaa hai
doston kaa Khuluus aazamaane ke baad

baKhsh de yaa rab ahal-e-havas ko bahisht
mujhako kyaa chaahiye tum ko paane ke baad

kaise kaise gile yaad aaye "Khumar"
un ke aane se qabl un ke jaane ke baad

chup chup sa rehna acha lagta hai..

os kay bina ab chup chup sa rehna acha lagta hai..
khamoshi say dard ko sahna acha lagta hai..

jis hasti ki yad main ansuu barastay hain..
samnay oskay kuch na kehna acha lagta hai..

milker os say bicharna jaoon darta rehta hoon..
is leye bas door he rehnaa acha lagta hai..

janta hoon k chahat main bas ansuu he miltay hain..
kuch bhi ho abb iss zahar ko peena acha lagta hai..

jee chahay sab khushyaan laiker os ko day doon..
oskay pyar main sab kuch khonaa acha lagta hai..

oska milnaa na milnaa kismat ki baat hai..
pal pal oski yaad main rona acha lagta hai..

os kay bina sab khushyaan ajeeb si lagti hain..
ro ro ker os ki yaad main sonaaa acha lagta hai...

Tumhare jane ke baad

Saager-e-ishQ main, ikhtiyaar nahin aathi

Dhoob te dil ki taraf, kinaar nahin aathi

Tere samNe, tho barRai beh-qaraar te hum

Ab tere jaane pe kyOn, qaraar nahin aathi

Sata ne ke liye raat din aa jaati hain, lekin

Mil ne ke liye kabhi, sitamgaar nahin aathi

IshQ ki garhiye main dhoob kar, dil taba huA

Ab dil ko kissi baath pe, ehtabaar nahin aathi

Shama ke armaan, jal jal kar raaKh huWye

RaaKh se kabhi, umeed-e-sharaar nahin aathi

Ab dil-e-barbaad main kisKi tamana kilHe gi

UjRai gulzaar main kabhi, bahaar nahin aathi

Mohabbat ke raah main, qadam ehteyaat se lena

Is raah main manzil, baar baar nahin aathi

Agir unKe samNe, hum majboor "Asir" nah hote

ShaYud humaarai samNe, beh-zaar nahin aathi

fir bhi gam hai adhaa-adhaa

mera kam hai tera jyada

fir bhi gam hai adhaa-adhaa

mai chup rehta hun tu sab kehti hai

mujhko nahi kuchh kehna hai aataa

mera kab tha tera kab tha

hamne hamara kab tha banta

mera tha tera-tera tha mera

sapna hamara har ek tha sajhaa

tujhse mai dur hun mai majbur hun

tujhse na milna mujhe nahi aata

tu meri pyas hai tu meri aas hai

tere bin jina mujhe nahi hai aataa

tu hi sab keh le mai chup reh loon

karna shikayat mujhe nahi aataa

mera kam hai tera jyada

fir bhi gam hai aadha aadha

Apni palkon pe

apni palkoN pe mohabbat ko saNbhaale rakhna

raat taareek sahi dil meiN ujaale rakhna

aah karne meiN tau hoti hai yahaaN ruswaaii

dil meiN tofaaN hi sahi hoNToN pe taale rakhna

bhool jaaye na zamaana mera ahwaal kaheeN

daastaanoN meiN mere gham ke hawaale rakhna

apni faryaad ko seene meiN chupaa le ai dil

shewaa-e-ishq nahiN hoNtoN pe naale rakhna

zalzale rooh ke ab jism tak aa pohNche heiN

apne pehloo meiN zaraa dil ko saNbhaale rakhna

aable phooT ke ab mujh ko sukooN dete heiN

raas aayaa hai mujhe paaooN meiN chaale rakhna

meiN bhi Suqraat ka saani hooN zamaane meiN Shoaib

mere peene ke liye zehar ke piyaale rakhna

koyi ilzaam hi likh do

Dil udhaas hai bahut koyi paigaam hi likh do
Tum apna naam na likho, gum-naam hi likh do

Meri qismat mein gham-e-tanhayi hai lekin
Tamaam umr na likho magar ek shaam hi likh do

Zuroori nahi ki mil jaaye sukoon har kisi ko
Sare-e-bazm na aao magar benaam hi likh do

Ye jaanta hoon ki umr bhar tanha mujhko rehna hai
Magar pal do pal, ghadi do ghadi, mere naam hi likh do

Chalo hum maan lete hai ke sazaa ke mustahiq thahre hum
Koyi enaam na likho koyi ilzaam hi likh do.........


 

vo dil hii kyaa

vo dil hii kyaa tere milane kii jo duaa na kare
main tujh ko bhuul ke zindaa rahuuN Khudaa na kare

rahegaa saath teraa pyaar zindagii banakar
ye aur baat merii zindagii vafaa na kare

ye Thiik hai nahin marataa koii judaaii mein
Khudaa kisii se kisii ko magar judaa na kare

sunaa hai usako mohabbat duuaayeN detii hai
jo dil pe choT to khaaye magar gilaa na kare

zamaanaa dekh chukaa hai parakh chukaa hai use
"Qateel" jaan se jaaye par iltajaa na kare 

raat kat-ti rahi, chand dhalta raha

raat kat-ti rahi, chand dhalta raha,

Aatish-e- hijr main koi jalta raha,

Ghar ki tanhaiyan dil ko dasti raheen,

koi be-chain karwat badalta raha,

Aas-o umeed ki shamma raoshan raheen,

Ghar ki dehleez ko koi takta raha,

Raat bhar chandni gungunati rahi,

Raat bhar koi tanha sisakta raha,

Ashk palkoon pe aake bikhartey rahey,

Naam lub pe kissi ka larazta raha,

Aaj phir raat basar ho hi gai,

Aaj phir koi khud se ulajhta raha.....

Dard-e-jigar aaj kam dekhtein hain

Ghamon mein ghire hain to gham dekhte hain,

Nazar ka ye apni karam dekhte hain.

Chhupen hain ujaalon mein kitnay andhere,

sahar mein magar shaam-e-gham dekhte hain.

Labon per bayan hai,magar goom zubaan hai,

kabhi bebasi bhi ye hum dekhte hain.

Huaa hai kahan par na waar-e-muqaddar,

Lage dil pe zakhmon ko hum dekhtey hain.

Mili hai dawa kya mere zakhm-e-dil ko,

ki aankein sanam ki bhi nam dekhtein hain.

Kareeb aan pahunchi hai ulfat ki manzil,

ke dard-e-jigar aaj kam dekhtein hain.

Rukh se parda hata de zara saqiya

rukh se parda hata de zara saqiya, 
bas abhi rang-e-mehfil, badal jayega

jo behosh hai, hosh may ayega, 
girne wala jo hai, vo sambhal jayega

tum tasalli na do ,sirf baithe raho ,
waqt kuch mere marne ka, tal jayega

kya ye kam hai, masiha ke hone hi se ,
maut ka bhi irada ,badal jayega

mera daman to jal hi chuka hai,
magar aanch tum per bhi aaYe, gavara nahi

mere ansoo na poncho, khuda ke liye ,
varna daman tumhara bhi ,jal jayega

phool kuch is tarah tod, aey bagba'n ,
shaakh hilne na paye, na avaaz ho

varna gulshan may phir, na bahar ayegi, 
har kali ka kaleja, dehel jayega........