bechain bahaaron mein kyaa-kyaa hai jaan kii Khushbuu aatii hai
jo phuul mahakataa hai usase tuufaan kii Khushbuu aatii hai
jo phuul mahakataa hai usase tuufaan kii Khushbuu aatii hai
kal raat dikhaa ke Khvaab-e-tarab so sej ko suunaa chhod gayaa
har silavaT se phir aaj usii mehamaan kii Khushbuu aatii hai
har silavaT se phir aaj usii mehamaan kii Khushbuu aatii hai
talkiin-e-ibaadat kii hai mujhe yuun terii muqaddas annkhon ne
mandir ke dariichon se jaise lobaan kii Khushbuu aatii hai
mandir ke dariichon se jaise lobaan kii Khushbuu aatii hai
kuchh aur bhii sanse.n lene par majabuur-saa main ho jaataa hun
jab itane bade jangal mein kisii insaan kii Khushbuu aatii hai
jab itane bade jangal mein kisii insaan kii Khushbuu aatii hai
kuchh tuu hii mujhe ab samajhaa de ai kufr duhaa_ii hai terii
kyuun shekh ke daaman se mujhako imaan kii Khushbuu aatii hai
kyuun shekh ke daaman se mujhako imaan kii Khushbuu aatii hai
Darataa hun kahiin is aalam mein jiine se na munakir ho jaauun
ahabaab kii baaton se mujhako ehasaan kii Khushbuu aatii hai
ahabaab kii baaton se mujhako ehasaan kii Khushbuu aatii hai