meri zindigi meiN nayee baat hogi

MuradoN bhari woH haseeN raat hogi,
Ke jab meri tujhse mulaqaat hogi

Na Socha tha maine ke yeH baat hogi
Mohabbat kisi ko mere saath hogi,

FizaoN me ulfat, hawaoN me rangat
mohabbat mein doobi har ik zaat hogi,

Rahe dono khamosh ab tak magar ab
BayaaN hoNge jazbaat jab baat hogi,

Tarastii rahii tere deedaar ko maiN
Teri ik jhalak meri saughat hogi,

Chamakta hua chaNd ,roshan sitare
DiloN mein umaNgoN ki baaraat hogi,

Khilenge naye phool dil ke chaman mein
teri chahatoN ki jo barsaat hogi,

Mera hamsafar banke aayega jab tu
meri zindigi meiN nayee baat hogi

khuda ke liye.......

taras na jao kaheen manzil-e-wafa ke liye......
kisi se pyar na kar bethna khuda ke liye.......

tum apni aahon mein asar na pao ge........
wohi hanse ga jise zakham-e-dil dikhao ge...........

phir utha sako ge na haath bhi dua ke liye...........
kisi se pyar na kar bethna khuda ke liye..................

wafa talash na kar in haseenon mein ..............
ke dil nahi pathar hain in ke seenon mein....................

yeh to sitam ke liye jafa ke liye....................
kisi se pyar na kar bethna khuda ke liye...................

yeh dunia haseen qaatilon ki basti hai..................
yahan muhabaton ko zindagi tarasti hai..............

sitam hazar saho ge ik aashna ke liye.................
kisi se pyar na kar bethna khuda ke liye...............

AP NE NAHI DEKHA

Galiyoun se meri aap ne guzar ker nahin dekha

Gham yeh hai k khoushioun ne mera ghar nahin dekha

Mehroom hai woh pyar ki daulat se abhi tak

Dil jis ne kahin apna laga ker nahin dekha

Gumnaam hai woh phool gulistaan-e-jahan main

Khushboo ki tarah jis ne bikher ker nahin dekha

Aaiine faqat us ki tasalli k liye hain

Dulhan ki tarah jis ne sanwar ker nahin dekha

Yeh sach hai mera qatal sar-e-aam hai

Kis ka tha mere peat main khanjer nahin dekha

Dil cheer ker nikle hain yeh ashaar mere

Afsous inhein aap ne pharh ker nahin dekha.............

Woh Kesa Shaks Hay

Woh Kesa Shaks Hay Kay Her Rooz Saza Deta Hay
Phir Hansata Hay Woh Itna Kay Sab Bhula Deta Hay

Kabhi Jo Roo Dey To Mujh Ko Bhi Bhool Jata Hay

Aur Phir Bhool Kay Mujh Ko Bhi Rula Deta Hay

Humaray Pas Na Aanay Ke Kasam Kha Ker Woh
"Aaja" Likhta Hay Woh,Khaghaz Pay Urra Deta Hay

Ussay Poocho Kay Bata Kis Say Muhabbat Hay Tumhay
Nam Sargooshi Main Mera He Suna Deta Hay

Kabhi Kehta Hay Chaloo Sath Hamesha Meray
Chal Paroon Sath To Rasta He Phira Deta Hay

Khud He Kehta Hay Na Dhohraoo Purani Yaadein
May Na Dhohraoon To Phir Khud He Suna Deta Hay

Khud He Likhta Hay Kay Jazbaat Main Hulchul Na Karoo
Aur Phir Khud He Naye Aag Laga Deta Hay...!!!

Yaad Karay Ga Kaun

Meray Khuwab Meray Sapnay Meray Tak Hain

Meray Baad Enhay Yaad Karay Ga Kaun

Meri Chahaat Ban Jaie Gi Afsana

Meri Mohabat Ko Yaad Karay Ga Kaun

Meray Tak Hain Yeh Tamam Sunder Nazaray

Meray Baad Enhay Aabad Karay Ga Kaun

Meri Kahaniyian Bikhrein Gi Rahoon Pay
 

Meray Afsanoon Ko Yaad Karay Ga Kaun
 

Meri Khatayon Ko Shumar Karay Ga Zamana

Meri Wafayon Ko Yaad Karay Ga Kaun
 

Jo Guzaray Thay Hum Nay Zamanay Mill Kay

Un Zamanon Ko Yaad Karay Ga Kaun
 

Meri Aahein Meray Saath Ho Jaien Gi Dafan

Meray Aashkon Ko Yaad Karay Ga Kaun
 

Ek Tum Say Hai Zinda Yeh Chahaat Meri

Tum Hee Na Ho Gay Tuo Yaad Karay Ga Kaun

Aa Kay Es Saath Ko Yaadgar Bana Lien

Kal Kiya Pata Es Yaad Ko Yaad Karay Ga Kaun

Kaash Kay MaiN Yeh Keh Sakti

Aye Kaash Kay MaiN Yeh Keh Sakti

Kay MaiN nay Chaha Hai Tujhay

Apni Pehli Dherkan Ki Tarah

Jis Tarah

Apni Dherkan Ko Pehli Bar Mehsoos Kiya Tha

Jis Kay Dharaknay Say

Zindagee Kay Honay Ka Ehsas Huwa Tha

Jis Nay Dil Ki Duniya MaiN Teray Honay Ka Pata Diya Tha

Jis Nay Meri Zaat Kay KHala Ko Paaya Tha

Aye Kaash Kay Mien Yeh Keh Sakti

Kay Tu Hai To Yeh Zindagee Hai Meri

Zindagee Say Nata Hai Terey Honay Kay Sabab

Teray Khuab Meri AankhoN MeiN

YooN Jawaan Hotay Hein Jaisay

Perwaanay Shama Kay Gird Zinda HoN Bikharnay Kay Liyay

Dil-lagee NahiN Yeh Muhabbat Hai Ab Sun Aye Sanam

Bohot Ho Chuki Zindagee Say Jung

Abb To Dil Kay Dharaknay Kaa Sabab Jaan Hi Lo

KiuN Mujhe Iss Aag MeiN Jalaatay Ho?

KiuN Meray Jazbaat Ki Shiddat Ko NahiN Samajhtay?

KiuN Nahi Maantay

Kay Tum Ho To DarakhshaaN Hai Hayat Meri

Seenay MeiN Dil Kay Honay Kaa Pata Milta Hai

Dharkan Kay Chulnay Kaa Safar

Zindagee Kay Honay Kaa Ehsas Hai Yeh

"Aye Kaash Kay MaiN Yeh Keh Sakti

Kay MaiN nay Chaha Hai Tujhay"

Apni Wus'atoN Say Ziyada

Teri Hudood Kay Undar

Meri chahhat

Tujh Se Bichare Howey Zamaaney Beet Gaye Hain 

Main Ab Ab Khud Apne Aap Se Milna Chahti Hoon
 

Thak Gayi Hoon Tanhaai K Is Musalsal Safar Sey 

Ab Tere Sang Sang Qadam Milanaa Chahti Hoon
 

Tu Yaad Mujhe Har Lamhe K Hazarwen Hise Mein Rehta Hai 

Chand Saa'atey Mein Khudfaramoshi Mein Beetana Chahti Hoon  

Tere Bagher Sadiyon Ka Safar Taih Kiya Hai Main Ney

Pairon Mein Parey Aablon Ko Musafat Ki Saza Se Bachana Chahti Hoon

Ik Ujree Weeraan Basti Hai Yeh Dil Tera ' Is Weeran Ujree Basti Mein

Main Apni Palkon Se Roshan Diye Jalana Chahti Hoon

Bohat Iqtafa Kar Liya Hai Teri Ik Nigah Se Main Ney

Ab Main Teri Chahato.n Ka Khazanah Chahti Hoon

Eik Main Hoon Eik Tum Ho Aur Koi Teesra Nah Ho Jahaan

Jaana.n Mein Aysi Ik DUniya Basana Chahti Hoon
 

Thakan Se Choor Mere Is Wajood Ko Samet Lo Apni Bahoon Mein

Main Tumhare Pyaar Ki Chaaon Mein Ab Sustaana Chahti Hoon

Tum Pey Mar Miti Hoon Main Apne Karam KI Dawa Do, Mujhe ZIndah Kar Do

K Log ZIndagi Ko Jeetey Hain ' Main Maut Ko Jeena Chahti Hoon ...!!!

yaad nahin

khuli aankhon say jo daikhay thay khuwab yaad nahin

tayri furqat men jo jheelay azab yaad nahin

khushi say apni tujhay chortay samay main nay

kyon baha'ay thay ashk bay hisab yaad nahin

zamaanay bhar say to miltay na mujhay aar aati

ek faqat tujh say tha kiyoon kar hijab yaad nahin

tayray chehray pay to pehlay he ka'ee chehray thay

phir bhi rehta tha kyon pas-e-naqab yaad nahin

wo umar bhar ko wafa kis tarha nibha paata

jisay pal bhar ko bhi apna khitab yaad nahin

bhulana chahtay huway bhi muddaton main nay

kiyoon uthaaya tayri yaadon ka daab yaad nahin

sadaf jalti thi tu maanind shama jis kay li'yay

woh haqeeqat tha ya koi sarab yaad nahin

Teri Khuwahishoon Main Hoon

Teray Doston Main Hoon K Teray Dushmanoon Main Hoon
 

Teray Qareeb Aa Kay Bari Uljhanoon Main Hoon

Aye Yaar-E-Khush Dayar Tujhe Kia Khabar

Main Kab Say Udasion K Ghanay Jungle Main Hoon

Badla Na Meray Baad Bhi Mozo-E-Guftago

Main Ja Chuka Hon Phir Bhi Teri Mehfiloon Main Hoon

Mujh Say Gurez Pa Hai To Har Raasta Badal

Main Sang-E-Rah Hoon To Sabhi Raastoon Main Hoon

Mujh Say Bichar Kar Tu Bhi Roye Ga Umer Bhar

Yeh Soch Lay K Main Bhi Teri Khuwahishoon Main Hoon

Ae khuda

Kuch mujh ko mera bharpoor sarapa la day

Meray bazo,meri ankhain ,mera chehra la day

Esa dariya jo kisi aur sumandar main giray

Is say behtar hai kay mujh ko mera sehra la day

Kuch nahi chahiay tujh say ae meri umr e rawa

Mera bachpan meray jugnu meri guriya la day

Naya mosam meri benai ko tasleem nahi

Meri ankhoo ko wohi khawab purana la day

Jis ki ankhain mujhay andar say bhi parh sakti hoon

Koi chehra to meray shehar main esa la day

Kashti e jan to bahwanr main hai kai barso say

Ae khuda ab to dabo day ya kinara la day

Koi ehsas thaa

Koi ehsas thaa joo shayad choo gaya mujh ko 
Koi wada naa thaa phir bhi intizar hoo gaya mujh ko
 
Teri zaat say koi khushi naa ki wabasta
Phir bhi her pal her khushi kaa intizar ho gaya mujh ko
 
Woo lumhay jo kabhi teray sath naa bitaaye maiN nay
OnhieN lumhooN kaa phir intizar hoo gaya mujh ko
 
Kisi kay saher meiN khonay say darr lagta thaa kabhi 
Abb onhieN kay khabooN say piyar hoo gaya mujh ko
 
Samander kaa shor raha bay sabab under meray 
OnhieN gehraai'oN meiN woh paata gaya mujh ko
 
Raat kay sunnaTay meiN aati heiN yaadeiN aisa libas pehnay 
Jaisay dil kay teh khanoN meiN koi qayd ker gaya mujh ko
 
Moti'ye kay phool rahey hamesha kamzori meri "noor" 
KhizaaN meiN bhi woo inn ki khushbu deta gaya mujh ko

Mujhe shoq tha

Mujhy mitti k ghar bananay ka shoq tha....

Usay aashianay giranay ka shoq tha ....

Main   khud   say  rooth   jata   hoon   aksar .............

es liye Mujhy roothe hue log manane ka shoq tha......

Usay wadon ki paasdari pasand nahi thi....

Lekin mujhy waday neebhany ka shoq tha...

Main masroof tha tanhaiyon ki talash main.......

Usay logon say milny milany ka shoq tha........

Wo bewafa tha es main hairat ki baat kya hai.....

Muhjy bhi bewafa say dil lagany ka shoq tha.......

hadsoon ki duniya mein

hadsoon ki duniya mein kon kiss ko rota hai

yaad kar ke dukh apney khoon dil ka hota hai

amad_e_baharan par roye khoob roye hum

dard yoon be thamta hai dard yoon be hota hai

app ki nigahoon mein wo be hogaye mujrum

jin ki begunahi par asmaan be rota hai

khaak mein milein akhir sub riyaztein oss ki

jagney se kya hoga jub naseeb sota hai

naqsh subt hotey hein dil mein bewafai ke

naaz jin pe kartey hein maan jin par hota hai

dil mein kitney tufaan hein purskoon chehra hai

janey wo ayas apney dukh kahan samota hai

Manzil mere qadmoN se

Manzil mere qadmoN se abhi door bahut hai
Qissa meri nakami ka mash-hoor bahut hai

Vo mausam-e-gul ho ke khezaN, aap ke dam se
Ye sehn-e-chaman husn se maamoor bahut hai

Qudrat ki hemayat nahiN haasil to ye insaN
HoN laakh wasayel bhi to majboor bahut hai

Naadaar-o-tahi-dast jo haq maNge to mujrim
Ghurbat ko saza dene ka dastoor bahut hai

KhudbeeN bhi hai, khudsar bhi hai, khuddaar nahiN hai
Kirdar ki khaami se vo raNjoor bahut hai

MaiN dast-e-sawaal apna baDhata nahiN aage
Aur log samajhte haiN ke maGroor bahut hai

Allah ne jo kuchh bhi diya khoob hai maikash
Dil uski enayaat se masroor bahut hai

Teri ik Nigah mein aagaye

jo utar ke zeena shaam se teri chashm-e-khush mein sama gaye

wahi jaltey bujhtey charag se mere baam-o-dar saja gaye...

ye ajeeb khel hai pyaar ka mein ne aap ka dekha ye muajza

woh jo lafz mere gumaan mein the woh teri zaban pe aagaye...

woh jo geet tum ne suna nahin mein umar bhar ka riaz tha

mere dard ki thi woh daastan jise tum hansi mein udaa gaye...

woh charag-e-jaan kabhi jis ki lao na kisi hawa se lagoon hoi

teri bewafai ke waswase use chupke chupke bujha gaye...

woh tha chaand shaam-e-wisaal ka ke tha roop tere jamaal ka

meri rooh se meri aankh tak kisi roshni mein naha gaye...

ye jo bandigan-e-niaz hain ye tamam hain wohi lashkari

jinhein zindagi ne amaan na di to tere huzur mein aagaye...

teri berukhi ke diyaar mein hawa ke saath hawa hua

tere aaine ki talaash mein mere khuwaab chehra gunwaa gaye...

tere waswason ke fishaar mein tere shehar-e-rang ujad gaya

meri khuwahishon ke gubaar mein mere maah-o-saal wafa gaye...

woh ajeeb phool se lafz the tere hont jinse mehak uthe

mere dash-e-khwaab mein door tak jaisay khwaab koi laga gaye...

meri umar se na simat sake mere dil mein itne sawal the

tere paas jitney khwaab the,teri ik nigah mein aagaye...

Bohat der ho gai

Palkein ujaarr, Dil hai bujha, Rooh so gai...............

Roay huay bhi yaaro, bohat dair ho gai...............

Ik wo sada thi , apne to jeenay ka hosla...........

Iss zindagi k shor main ab wo bhi kho gai............

Aaii to jaise hone laga Matla-e-Ghazal...........

Betthi to jaise nazm ki takmeel ho gai............

Kehte thay ab na aaeingay nazron k jaal main............

Moj e naseem zehan se har azam Dho gai...........

khoay hain us k sehar main hi Ehl-e-kaarwaan...........

Uski nazar jo waqt-e-safar rang bo gaii..........

.

Uff ye dilon main phelay khalaaon ki wus'aten..........

Kaise kahein khalaaon ki taskheer ho gai...........

main hoon shikaar-e-Fitna-e-Ehsaas-e-Rang-e-SHAM.........

kiss tarha aik Jism ki taqseem ho gai............

Aisa kyu hua

Mujhe apne zabt pe naaz tha, sare bazm raat ye kya hua

Meri aankh kaise chhalak gayi mujhe ranj hai ye bura hua

Meri zindagi ke charagh ka ye andaaz koi nayaa nahin

Kabhi raushni, kabhi teergi, kabhi jalaa hua kabhi bujha hua

Mujhe raaste mein pada hua kisi badnaseeb ka khat mila

Kahin khoon-e-dil se likha hua, kahin aansuon se mita hua

Jo nazar bacha ke guzar gaye, mere saamne se abhi abhi

Ye mere sheher hi ke log the mere ghar se ghar mila hua

Mujhe humsafar bhi mila koi, to shikasta haal meri tarah

Kahin raaston ka lutaa hua kahin manzilon ka thaka hua

Kitni badal chuki hai

Kitni badal chuki hai rut jazbay bhi wo nahin rahay

Dil pe tery firaq k sadmay bhi wo nahin rahay

Mehfil-e-shab main guftagu ab k hoi tu yeh khula

Batain bhi wo nahi raheen' lehjay bhi wo nahi rahay

Hulya badal k rakh diya jaise shab-e-faraq ne

Aankhain bhi wo nahi raheen, chehrey bhi wo nahi rahay

Uss ka mah-e-jamal bhi goya gharoob ho chala

Apney wafoor-e-shouq k charchey bhi woh nahi rahay

Hosh-o-khirad ganwa chukay' khud se bhi door ja chukay

Ju log tere they kabhi' apney bhi wo nahi rahay

Yeh bhi hua k terey baad shouq-e-safar nahin raha

Jin pey bichhay huey they dil' rastey bhi wo nahi rahay!!

Kuch Nahi Raha

NaKaam Hasraton Ke Siva Kuch Nahi Raha

Dunia Main Ab Dukhon Ke Siva Kuch Nahi Raha

Ek Umar Ho Gayee Hai Ke Dil Ki Kitab Main

Kuch Khushk Patton Ke Siva Kuch Nahi Raha

Yaden Kuch Is Tarha Se Sama’at Pay Chaa Gaeen

Pichli Rafaqton Ke Siva Kuch Nahi Raha

Lab See Liay Tu Apnay Hi Kamray Main Youn Laga

Khamosh Aayino Ke Siva Kuch Nahi Raha

Jazbay Tamam Kho Gaiay Lamhon Ki Dhool Main

Ab Dil Main Dharkanon Ke Siva Kuch Nahi Raha

Dua Karo

Tumharay shehur ka mausum bara suhana lagay,

Mein aik shaam chora loon ager bura na lagay

Jo doobna hai to itnay sakhon se doobo,

Ke aas paas ki lehron ko bhi pata na lagay,

Tumharay bus mein ager ho to bhool jao hamein,

Tumhein bhulanay mein shaid hamein zamana lagay,

Na hai kuch us ki odaas aankhon mein,

Woh moun chupa ke bhi jaye to be-wafa na lagay,

Hamaray pyaar se julnay lagi hai yeh duniya,

Dua, karo kisi dushmun ki bud-dua na lagay

Mujeh Ye Zid nahi

Mujeh Ye Zid nahi mere Gally ka Haar ho jao

Akhela Chor dena , tum jahaan Be-zaar ho jao

Bhot Jaldi Samajh mein aany lagty ho Zamane ki

Bhot Aasaan ho, thory Bhot dushwaar ho jao

Mulaqatoon mein wafa ls liye hona zaroori hai

Ke tum ik Din Judaaee ke liye Tayaar ho jao

Main Kesi Chal chalati Dhoop ke Sehra Se ayi hoon

Bas ab Esa karo , Tum Saya-e-Dewaar ho jao

Tumhary paas deny ky liye jhoti Tasali ho

Na Aay Esa Din , Tum isqadar Nadaar ho jao

Tumhy Maloom ho jaye ga Kese Ranj Sehty hai

Meri itni Duaa hai Kaash tum "Tanha" Fankaar ho jao

Waafa

Saza pe chor dia , jaza pe chor dia,’’’’

Her ek kaam hum ne KHUDA pe chor dia,

Wo hum ko yaad rakhta ya phir bhula deta,

Uska kaam tha ussi ki raza pe chor dia,

Ab uski merzi bujha de ya jala rakhay,

Charagh humne jala k hawa pe chor dia,

Ab us se baat bhi kertay to kis tarha kertay,

Ye masla dua ka tha dua pe chor dia,

Is liye to wo kehtay hain Bewafa humko,

Ke humne sara zamana wafa pe chor dia

Dua

Tum jo ja rahay ho hamari chahat ko

Hamari mohabaat ko,Hamein thukra kar

To chalay jao

Janay walay kabhi b ruktay nahi

aor hum tumein rokai'n ge b nahi

Jatay samay Tumhain door tak jata daikhei'n gy b

Tumhain Dua b dain gy  K zindagi main

Tumhain har khushi milay

Tumharay rastay main kabhi koi khaar na aaey

Tumhari galeio'n say kabhi b

Dukh ka guzar na ho

Har qadam kamyabeya'n

Tumhari hamsafar hoon

Magar Sirf ik bad dua b tumharay sang karoo'n gi

Chahatoo'n ko paamaal karnay walay

Tum dhoondtay phiro Mohabbat ko

Aor tumhain Mohabbat na milay!!!!

Tujh say manga hi nahin main nay

Tujh say manga hi nahin main nay kabhi maangnay walon ki tarah

khali hathon ko hamesha dekhta raha bicher jaanay walon ki tarah

muddat bad aaj phir udas hoa hai yeh dil ousey yaad ker kay

jaisay kuch rakh kay kahin bhool gaya bhool jaanay walon ki tarah

aye ajnabi kuch bhi to nahin badla mut dekha heraan ho kay mujhey

yeh dil or aankhein phir behal jaien gay behal janay walon ki tarah

sunsan ghar ki wehshat ko tum kiya jano gay roshni mein reh ker

aitbar ker kay kabhi meray dil mein ana rehnay walon ki tarah

kiyun hijr ki yeh soghatein mileen iss umray-natawaan mein abb

jisey bhool gaya kiyun woh yaad aaya phir yaad aanay walon ki tarah

khaab thaa ya meray honton pay tera naam thaa jumbish ki surat

aanso munjamid ho gaye phir naa maanga main nay tujhey maangnay walon ki tarah

safer lumba ho aur saath naa koi ho tu thakk hi jana hai mujhey

bay zarar hi katay hein rastey raah bhatak janay walon ki tarah

Ek shaksh nay

Ek yaad nay tarrpaya mujh ko

Dil kiss morr pay laya mujh ko

Yaadein Tanhai aur Beeta mausam

Kia kahoon kis nay sataya mujh ko

Ajab sa lutf hai teri judai

Dil nay her baar bataya mujh ko

Maikhanay to band ho chalay

Ye jaam kis nay pilaya mujh ko

Sarr-e-shaam hi mehfil bujh gai

Phir kyoon shabb nay uthaya mujh ko

Patt-jharr hoon ya veeran gali

Ye hasraroon nay meri jalaya mujh ko

Kartay hain kaisay band aankhein

Ek shaksh nay sikhaya mujh ko

Bhool jata hoon

Tumhara Naam likh likh ker Mitana bhool jata hoon
Tumhein jab Yaad karta hoon, Bhulana bhool jata hoon

Boht si aisi Baatein hain jo Mere Dil mai rehti hain
Magar jab Tum se milta hoon, Sunana bhool jata hoon

Tumhare baad ab her Pal bari Mushkil se Kat-ta hai
Mai aksar Tum ko Khuwabon mai, Batana bhool jata hoon

Mai her Shaam kehta hoon Tum ko bhool jaoonga
Magar jab Subah hoti hai, Iraada bhool jata hoon

Muhabbat

ishq mein gham miley hain bohat
phir bhi ham mein hosla hai bohat

tum ne ham se sirf mohabbat ki
aur ham ne use saha hai bohat

tum ko pa ker tumhi ko khoya hai
kia kaho ishq ki saza hai bohat

jeet ker haar hoi hai kuch aisey
zindagi mujh per hans rahi hai bohat

dil to pagal hai kuch manta hi nahi
mujh ko aaj bhi teri talab hai bohat

Rasta Koi Or Tha

Mujhay Dushmanoo Ki Khabar Na Thi
Mujhay Dostoon Ka Pata Na Tha
Tere Dastaan Kuch Or Thee
Mera Waqiya Kuch Or Tha
Kabhi Lot Aain TO Poochna Nahin
Dekhna Inhay Goor Say
Jinhay Rasty Main Khabar Hoi
Ke Yeh Rasta Koi Or Tha

Bahut Muskil hai mere Allah

ye karb kaa ehsaas musalsal mere Allah
kar degaa kisii din mujhe paagal mere Allah

bikhre hu’e TukRoN ko sametuuN bhii kahaaN tak
kis tarah karuuN Khud ko mukammal mere Allah

har zehn jihaalat ke andheroN kaa hai maskan
har haath meN hai ilm kii mash’al mere Allah

laashoN ke har ek shah’r meN baazaar saje haiN
har moR pe hai ek nayaa maqtal mere Allah

haalaat se huuN barsar-e-paikaar abhii tak
go jism meN baaqii nahiiN kis bal mere Allah

miiloN nahiiN aasaar ko’ii dasht-e-yaqiiN ke
har simt haiN tashkiik ke daldal mere Allah

sarmaaya-o-asbaab jise chaahe use de
“Rahi” ko bas ek sabr-o-tavakkul mere Allah

Tu Suraj hai

u tu suraj hai tuhjay raat ka dhuk kiya maloom,
tu kisi roz utar ghar main maray sham kay baad,

loot aaye na kisi rooz woh awara mizaj,
khool rakhtay hain issi aas pe dar shaam kay baad,

loot aatay hain mery shab ke ibadat kay laye,
janay kis arash peh rehta hai khuda shaam kay baad,

maar deti hai ujar janay ka dohra ihsas,
kaash ho koi kisi say na juda shaam kay baad

Rait par likh kay mera naam

Rait par likh kay mera naam mitaaya na karo
Aankhain such bolti hain--pyar chupaaya na karo

Log her baat ka afsaana bana laitay hain
Sab ko halaat ki roo-daad sunaaya na karo

Yeh zaroori nahi her shakhs maseeha hi ho
Pyar kay zakhm amaanat hain--dikhaaya na karo

Sheher-e-ehsaas mai pathraau bohot hai *Mohsin*
Dil ko sheeshay kay jharokon mai sajaaya na karo

Dekhnay ko hamain wo

Dekhnay ko hamain wo KHAWAB millay ,
Soch   ker  bhi   jinhain  SAWAB   millay,

Is trah wo milla hai yadoon main,
jaissay khoi  hui  KITAAB  millay,

Jurat-e-arz  ker   to   bethay   hain,
janay ab kia humain JAWAAB millay,

kiss ka chehra Qateel perhtay hum ,
logg  orhay  huey  NAQAAB   millay.